د جمهور رئیس غني په مشرۍ غونډې د برېښنایي تذکرو د وېش پلان په پرنسیپ کې تائید کړ

د جمهور رئیس غني په مشرۍ غونډې د برېښنایي تذکرو د وېش پلان په پرنسیپ کې تائید کړ

د افغانستان د اسلامي جمهوریت د جمهور رئیس محمد اشرف غني په مشرۍ د برېښنایي تذکرو د وېش په اړه د تیاري غونډه نن مازدیګر په ارګ کې جوړه شوه.

په دې غونډه کې د جمهور رئیس دویم مرستیال قانونپوه محمد سرور دانش، اجرائیه رئیس ډاکټر عبدالله عبدالله، د کورنیو چارو وزارت ستر امنیتي معین طارق شاه بهرامي، د چارو ادارې عمومي رئیس عبدالسلام رحیمي، په سیاسي چارو کې د جمهور رئیس ځانګړي استازي محمد اکرم خپلواک او د نفوسو د احوالو د ثبت ادارې (برېښنایي تذکرې)رهبري پلاوي حضور درلود.

په پیل کې د جمهور رئیس سلاکار رفیع الدین ملکزي او د برېښنایي تذکرې د وېش ادارې عمومي رئیس همایون محتاط د برېښنایي تذکرو د وېش لپاره د تخنیکي تیاریو په اړه خپل پلان غونډې ته وړاندې کړ.