وروستي خبرونه
- حامدکرزی: د امنیتي ځواکونو د ځوانانو د وینو هر څاڅکی د افغانستان د بقا، آبادۍ او پرمختګ...
- جمهوررئیس په افغانستان کې د هند د پانګې اچونې لپاره، له یو شمېر هندي سوداګرو او پانګوالو...
- د هند د " ال، پي، یو" پوهنتون حامدکرزي ته افتخاري دوکتورا ورکړله
- حامدکرزی د یو دوه ورځني رسمي سفر لپاره هند ته روان شو
- حامدکرزي د بغلان په ولایت کې تروریستي برید په کلکه وغانده
اړوند سایتونه
- د سرحدونو، قومونو او قبایلو چارو وزارت
- د ارشاد، حج او اوقافو وزارت
- د انرژي او اوبو وزارت
- د نیشه یي توکو پرخلاف د مبارزې وزارت
- د کډوالو او راستنیدونکو چارو وزارت
|
سناتور جان کیري د امریکا او افغانستان ترمنځ د ستراتیژیکو همکاریو د سند چمتو کېدل ستر بریالیتوب وباله
د خپرېدو نېټه: Apr 28, 2012
د۱۳۹۱ لمریز کال د غوایي۹مه - د امریکا د سنا مجلس د بهرنیو اړیکو د کمیټې رئیس سناتور جان کیري د افغانستان د اسلامي جمهوریت له جمهوررئیس حامدکرزي سره په کتنه کې د امریکا او افغانستان د جمهوررئیسانو د لاس لیک لپاره د امریکا او افغانستان ترمنځ د ستراتیژیکو همکاریو د سند د مسودې چمتو کیدل، مهم کار او ستر بریالیتوب وباله او د امریکا د سنا په استازیتوب یې جمهور رئیس ته د دغه بریالیتوب مبارکي وویله.
په دغه کتنه کې چې نن له غرمې مخکې په ارګ کې ترسره شوه، دواړو لورو د افغانستان او سیمې د حالاتو، د سولې د بهیر او په دغه بهیرکې د پاکستان د رول او نورو د علاقې وړ مسایلو په اړه خبرې وکړې.
په دغه کتنه کې حامدکرزي له امریکا څخه وغوښتل چې د افغانستان د ملکي ادارې د اساسي بنسټونو په جوړولوکې همکاري وکړي ترڅو د دغو بنسټونو په جوړیدو سره افغانستان د یوې مسلکي او پیاوړې ملکې ادارې خاوند شي او افغانان نور د پردیو له احتیاج څخه خلاصون ومومي.
همدا راز په دې کتنه کې د افغانستان د امنیتي ځواکونو په پیاوړتیا او سمبالښت باندې د ټینګار په ترڅ کې دا موضوع روښانه شوه چې د اوس لپاره د افغان امنیتي ځواکونو د شمېر کموالی مطرح نه دی، بلکې د دغې موضوع په باب به د ۲۰۱۵ میلادي کال وروسته د افغانستان او سیمې د حالاتو په پام کې نیو لو سره پریکړه وشي.
