وروستي خبرونه
- حامدکرزی: د امنیتي ځواکونو د ځوانانو د وینو هر څاڅکی د افغانستان د بقا، آبادۍ او پرمختګ...
- جمهوررئیس په افغانستان کې د هند د پانګې اچونې لپاره، له یو شمېر هندي سوداګرو او پانګوالو...
- د هند د " ال، پي، یو" پوهنتون حامدکرزي ته افتخاري دوکتورا ورکړله
- حامدکرزی د یو دوه ورځني رسمي سفر لپاره هند ته روان شو
- حامدکرزي د بغلان په ولایت کې تروریستي برید په کلکه وغانده
اړوند سایتونه
- د سرحدونو، قومونو او قبایلو چارو وزارت
- د ارشاد، حج او اوقافو وزارت
- د انرژي او اوبو وزارت
- د نیشه یي توکو پرخلاف د مبارزې وزارت
- د کډوالو او راستنیدونکو چارو وزارت
|
حامدکرزي له یو شمېر پاکستاني پانګوالو سره وکتل
د خپرېدو نېټه: May 02, 2012
د۱۳۹۱ لمریز کال دغوایي۱۳مه - د افغانستان د اسلامي جمهوریت جمهوررئیس حامدکرزي ، د پاکستان د اسلامي جمهوریت له یو شمېر پانګوالو سره وکتل.
په دغه کتنه کې چې نن مازیګر په ارګ کې ترسره شوه، د پاکستان هېواد پر نورو پانګوالو سربیره د دغه هېواد د هجویري ګروپ مشر هم حاضرو چې ډله یې په افغانستان کې په ساختماني چارو بوخته ده.
دغه ډله په ننګرهارکې د ساینس د پوهنځي، د ګردۍ ناروغۍ د درملنې د یو مرکز او په کابل کې د علامه اقبال د هنرونو د پوهنځي د ودانیو د جوړولو په ساختماني چارو بوخته ده.
په دې کتنه کې دواړو لورو د دواړو هېوادونو ترمنځ د اقتصادي او سوداګریزو اړیکو په پراختیا باندې خبرې وکړې اوپه دې باندې یې خوښي وکړه چې د دواړو هېوادونو ترمنځ سوداګریزه راکړه ورکړه په کال کې دوه اعشاریه دوه میلیاردو ډالرو ته لوړه شوې ده. دوی په دې باندې ټینګار وکړ چې د سوداګریزې راکړې ورکړې دغه رقم باید پایه داره شي .
حامدکرزي په سیمه کې د ترهګرۍ شتون ته د اشارې په ترڅ کې وویل چې دواړه هېوادونه باید د ترهګرۍ پرخلاف د ګډې صادقانه مبارزې له لارې دغه ناوړه پدیده له منځه یوسي او په سیمه باندې د ترهګرۍ لګیدلی تورداغ پاک کړي.
د هېواد جمهوررئیس وویل د افغانستان او پاکستان ترمنځ په بیلابیلو برخوکې دې اړیکې لا پراخې شي او د دواړو هېوادونو مدني ټولنې، رسنۍ او سوداګر باید لاسونه سره یوکړی او په دواړو هېوادونوکې د ترهګرۍ له اړخه د ګډو موجودوګواښونو د له منځه وړلو لپاره کار وکړي.
