جمهوررئیس غني د افغانستان لپاره د ملګرو ملتونو ځانګړې استازې سره وکتل

جمهوررئیس  غني د افغانستان لپاره د ملګرو ملتونو ځانګړې استازې سره وکتل

د افغانستان د اسلامي جمهوریت جمهوررئیس محمداشرف غني نن ماښام د افغانستان لپاره د ملګرو ملتونو ځانګړې استازې دیبورا لاینس سره وکتل.

په دغه کتنه کې چې په ارګ کې وشوه، د جینوا کنفرانس د بریالي ترسره کېدو او د یاد کنفرانس په سند کې د افغانستان حکومت د تعهداتو د څرنګوالي په اړه چې د یوه میکانیزم پر اساس وکولای شي هغه د برابرشوي تقویم مطابق عملي کړي، خبرې وشوې.

همدا راز دواړو لوریو د سولې پروسې او د ملګرو ملتونو بېلابېلو ادارو کې د اصلاحاتو په اړه چې په افغانستان کې فعالیت لري، بحث او خبرې وکړې.#