جمهوررئيس غني د بهرنیو چارو وزیر او دیاد وزارت سیاسي معین ته دولتي نښان او مډال ورکړ

جمهوررئيس غني د بهرنیو چارو وزیر او  دیاد وزارت سیاسي معین ته دولتي نښان او مډال ورکړ

د افغانستان اسلامي جمهوریت جمهوررئیس محمد اشرف غني د اسیا زړه – استانبول پروسې نهم کنفرانس او د افغانستان لپاره د جینوا کنفرانس د بریالي ترسره کولو  په خاطر د بهرنیو چارو وزیر محمدحنیف اتمر ته د غازي امیر امان الله خان دولتي نښان  او د یاد وزارت سیاسي معین میرویس ناب ته  د غازي میرمسجدي خان دولتي مډال ورکړ.

په ګلخانې ماڼۍ کې نن له غرمې مخکې په دې مناسبت جوړو شویو مراسمو کې، لومړی د جمهوررئیس د ویاند مرستیالې فاطمې مورچل په دې اړه د جمهوررئیس فرمانونه  ولوستل.  

جمهوررئیس غني محمد حنیف اتمر ته د غازي امیر امان الله خان دولتي نښان او  میرویس ناب ته د غازي میرمسجدي خان دولتي مډال د ورکړې پرمهال دواړو ته په ورسپارل شویو چارو کې د بریالیتوب هیله وکړه.

په پای کې د بهرنیو چارو وزیر محمدحنیف اتمر او د یاد وزارت سیاسي مرستیال میرویس ناب د یاد نښان او مډال د ورکړې په خاطر  له جمهوررئیس څخه په مننې هیواد او هیوادوالو ته د خدمت په موخه یو ځل بیا خپله ژمنتیا وښوده.