په کابل کې د ننني تروریستي برید په اړه مطبوعاتي اعلامیه

ارګ، کابل: د نوي لمریز کال په لومړۍ ورځ چې زموږ هېوادوال د نوي کال په نمانځنې بوخت وو، په تاسف سره چې تروریستانود برید په ترسره کولو سره یو شمېر ټپیان او شهیدان کړل.

جمهور رئیس غني د کابل نننی تروریستي برید بشري ضد جنایت بولي او په کلکه یې غندي. هغه په ټینګار سره وایي چې تروریستان د دغه وړ جنایتونو په ترسره کولو سره زموږ د خلکو د خوښۍ، تحصیل، ورځنیو فعالیتونو، پرمختګ، ابادۍ، ملي او مذهبي مناسبتونو مخه نشي نیولی.

د هېواد جمهور رئیس اړونده مسوولینو ته د ټپیانو د درملنې لارښوونه وکړه او د یادې تروریستي پېښې د قربانیانو کورنیو ته د خپلې ژورې خواخوږۍ مراتب څرګندوي.#

شریک کولShare on Facebook0Share on Google+0Tweet about this on TwitterShare on LinkedIn0