بغلان ولایتیده تینچ اهالی شهید اېتیلگنی‌گه عاید مطبوعاتی اعلامیه

ارگ، کابل: اچینرلی شونده کیم بغلان ولایتی‌نینگ دَند شهاب‌الدین منطقه‌سیده طالبان تامانیدن یۉل چېتیگه اۉرنه‌تیلگن ماین پارتله‌شی نتیجه‌سیده بلاغتگه یېتمه‌گن باله‌لر قۉشیمچه بیر قنچه عیاللر و وطنداشلریمیز شهید بۉلگن و بیر قنچه‌سی یره‌لندی.

بو ترورچیلیک هجومنی قتّیق قاره‌لگن جمهور رئیس غنی بیزلرنینگ خوفسیزلیک و امنیتی کوچلریمیز ترورچیلیک هجوملر و بی‌گناه و حمایه‌سیز وطنداشلریمیزگه قرشی طالبان و باشقه ترورچی گروه‌لردن قصاص آلیشینی اَیتیدی.

مملکتیمیزنی ویران قیلیش و اۉلدیریش و ترور قیلیشدن باشقه‌ مقصدگه اېگه‌ بۉلمه‌گن طالبان و اولرنینگ طرفدارلری بونده‌ی وحشیلیکلرنی عملگه آشیریش آرقه‌لی خلقیمیز همده مملکت نینگ پارلاق کېله‌جگی یۉلیده‌گی کوچلی اراده‌سینی بوزه‌آلمه‌یدی؛ چونکه‌ بیزنینگ خوفسیزلیک و دفاعی‌ کوچلریمیز اولرنی همه‌ جایده تاپیب یۉق قیله‌دی.

جمهور رئیس غنی، بوگونگی ترور هجومیده هلاک بۉلگنلرنینگ عایله‌لریگه تعزیه‌ و همدردلیک اظهار اېتیب شهیدلر جایی جنتده بۉلیشی و یره‌لنگنلر ساغلیشنی الله‌دن طلب قیلدی.