جمهور رئیس غنی ایریم ولایتلرنینگ قوم بویوکلری بیلن اوچره‌شدی

جمهور رئیس غنی ایریم ولایتلرنینگ قوم بویوکلری بیلن اوچره‌شدی

افغانستان اسلامی جمهوریتی‌نینگ جمهور رئیسی محمد اشرف غنی، بوگون کېچقرون مملکت تورلی ولایتلری‌نینگ بیر قنچه قوم بویوکلری بیلن اوچره‌شدی.

 

اوشبو ولایتلرنینگ قوم بویوکلری و آقسقاللری جمهور رئیس غنی‌نی قربان هییتی مناسبتی بیلن تبریکلشدن علاوه، ملی پروسه حسابلنمیش جمهورلیک ریاستی سیلاوی و تینچلیک مذاکره‌سی اوستیده فکر المشتیردیلر.  بولر، اېل ـ اولوس جمهوریت تیزیمینی قۉللب ـ قوتلب جمهورلیک ریاستی سیلاویده قتنشه‌دیلر دېگنلر.

افغانستان اسلامی جمهوریتی‌ جمهور رئیسی‌نینگ تینچلیک برنامه‌سی تۉلیق اېکنینی تیلگه آلگن بو قوم بویوکلری اونی حمایت بۉلیشینی بیلدیرگنلر.

کېینچه‌لیک قربان هییتی مناسبتی بیلن بو قوم اولوغلرینی قوتلوغله‌گن جمهور رئیس غنی، تینچلیک اوچون بیزلرنینگ اراده و برنامه میز بار دېگن. بیز افغانستان خلقی‌نینگ عزتی سقلنووچی همده دایمی برقرارلیککه سبب بۉله‌دیگن تینچلیککه احتیاجی میز بار دېگن جناب غنی. اونینگ اورغولب ایتیشیچه، تینچلیک سمتی برنامه اېمس، ملی بیر دستور دیر.

اۉتکزیله‌جک جمهورلیک ریاستی سیلاوی اوستیده توختلگن جمهور رئیس غنی، سیلاو و تینچلیک بیر ـ بیراوینی تۉلدیروچی لایحه دیر و افغانستان اېلی اېسه کوچلی ایشچن و مسوول بیر دولت ایسته‌دی و بو اېسه سیلاو سیز ممکن اېمس دېدی. اونینگ تعبیریچه، سیلاو اساسی بیر احتیاج و بونینگ تعیین اېتیلگن زمانده اۉتکزیلیشی اوچون لازم درجه‌ده تیارگرلیک آلینگن.

اولکه‌نینگ تورلی ولایتلردن تشریف بویورگنلرگه خطاب قیلگن جمهور رئیس غنی، افغانستان‌نینگ کېله‌جگی افغانستان ایچکریسیده شکل‌آله‌دی، شونینگ اوچون هم بو اولکه‌نینگ تقدیری هر بیر افغان آرقه‌لی مملکت‌نینگ هر بیر چېتیده تعیین بۉله‌دی. سیلاو اۉتکزیلیشی اوچون ملی اجماع موجودلیگینی تیلگه آلگن جمهور رئیس، قیین قرارلر کوچلی و تدبیر بیلن آلینیشی اوچون افغانستان خلقی سیاسی قدرت بیر جمهور رئیسدن ینه بیر جمهور رئیسگه سیلاو آرقه‌لی اۉتکزیلیشی طرفداریلر دېدی.#