بوگون کابل‌ده یوز بیرگن ترورچیلیک هجوم توغریسیده‌گی مطبوعاتی اعلامیه

ارگ، کابل: افغانستان خلقی‌نینگ امنیت و آسایشته‌لیک دشمنلری کابل‌ شهریده محصللر مینیلگن موترنی هجوم آستیگه آلیب ینه بیر بار دهشت یره‌تیب، بیر قنچه وطنداشلریمیزنی اولدیریب ایریملرینی یره‌دار قیلدی.

بو حادثه‌نی قتّیق قاره‌له‌گن افغانستان جمهور رئیسی محمد اشرف غنی، افغانستان خلقی‌نینگ دشمنلری، جامع مسجدلر، عامه‌‌وی موسسه‌لر، علمی مرکزلر و تینچ اهالینی هجوم آستیگه آلیب وحشت یره‌ته‌دیلر دیگن. ترورچیلر بونده‌ی جنایتنی عملگه آشیریش بیلن مملکت‌ خلقی‌نینگ یاروغ بیر کیله‌جککه ایریشیشی اوچون توسیق بولماقچی بوله‌دیلر دیگن او.

واقعه‌ قربانلری عایله‌سیگه اوز قیغوداشلیگینی بیلدیرگن جمهور رئیس غنی، تیگیشلی امنیتی اداره‌لر مسووللریدن حادثه‌ عامللری قولگه آلینیب جزاله‌نیشی خصوصیده بویروق بیردی. شونینگدیک جمهور رئیس غنی، الله تعالیدن قربانلر جایی بهشت بَرین و یره‌لنگنلر بوتونله‌ی ساغه‌لیب کیتیشینی سوره‌دی.