بوگون اېرتلب جلال آباد شهریده یوز بېرگن پارتلش تۉغریسیده‌گی مطبوعاتی اعلامیه

ارگ، کابل: افغانستان اسلامی جمهورلیک ریاستی‌نینگ جمهور رئیسی محمد اشرف غنی، بوگون اېرتلب جلال آباد شهری‌نینگ ایکّینچی حوزه‌سیگه قره‌شلی منطقه‌ده یۉل چېککه‌سیده اۉرنه‌تیلگن ماین پارتلشی نتیجه‌سیده بیر کیشی تینچ اهالی قربان بۉلگنی و بیر قنچه انسان آغیر یره‌لنگنینی قتّیق قاره‌له‌دی.

وحشی ترورچیلر بونده‌ی جنایتلرنی عملگه آشیریش بیلن شکستلرینی یاشیریب، هیچ بیر زمان افغانستان خلقی‌نینگ یاروغ کېله‌جک برنامه‌لری اوچون تۉسیق بۉله‌آلمه‌یدیلر.  افغانستان امنیتی و دفاعی کوچلری ترورچی گروه‌لرنینگ مملکتنی هر بیر نقطه‌سیده تاپیب اولرنی نابود قیلیشدن اصلا واز کېچمه‌یدیلر.

حادثه‌ده قربان بۉلگنلر عایله‌سیگه اۉز قیغوداشلیگینی بیلدیرگن افغانستان جمهور رئیسی محمد اشرف غنی، شهید خانه‌دانیگه یېتیشیلیشی همده یره‌لنگنلر دواله‌نیشی اوچون ولایت‌نینگ تېگیشلی اداره‌لریگه جدی بویروق بېردی.