جمهور رئیس غنی: فسادگه قرشی کوره‌ش بیر کیشی‌نینگ اېمس، بلکه دولت و برچه نینگ بورچی

جمهور رئیس غنی: فسادگه قرشی کوره‌ش بیر کیشی‌نینگ اېمس، بلکه دولت و برچه  نینگ بورچی

افغانستان اسلامی جمهورلیک ریاستی‌نینگ جمهور رئیسی محمد اشرف غنی بوگون توشدن آلدین اروپا بیرلشمه‌سی‌نینگ”تینچلیک سَری حرکت، حساب بېریش فرصت” نامی آستیده یۉلگه قۉیگن فسادگه قرشی کوره‌ش ییللیک ییغینی‌نینگ بېشینچی کنفرانسیده چیقیش قیلیب نطق سۉزله‌دی.

ارگ‌نینگ چهار چنار قصریده اویوشتیریلگن بو انجمنده مملکت‌نینگ بیرینچی عیالی، کابینه‌نینگ بیر قنچه اعضالری، ایلچیلر و کابلده‌گی کور دیپلوماتیک‌لرنینگ نماینده‌سی قتنشگن اېدیلر. دستلب اروپا بیرلشمه‌سی‌نینگ افغانستان‌ده‌گی ایلچیسی پییر مایودین صحبتگه چیقدی.

اروپا بیرلشمه‌سی‌نینگ ایلچیسی، بوگون بیزلر اۉتمیش، حاضر و تینچللیککه اېریشیلگندن کېین فسادگه قرشی کوره‌ش رولیمیزنی مرکزلشتیریشگه اعتبار قره‌ته‌میز دېدی. اونینگ تعبیریچه، اوروش‌نینگ اصلی عامل فساد. فساد موجود وضعیتده برقرارلیک و تینچلیککه اېریشیش هم امکاندن اوزاق.

سۉنگ جمهور رئیس سۉزگه چیقیب کېینگی ییللر ایچیده اروپا بیرلشمه‌سی‌نینگ افغانستان حکومتیگه کۉرستگن یاردملری اوچون منتدارچیلیک قیلدی. عین دَمده اروپا بیرلشمه‌سی‌نینگ دموکراسی و سیلاو قدریتینی حمایه قیلگنی اوچون هم تشکرلیک قیلیب، جمهور رئیسلیک سیلاوی تعیین اېتیلگن زمان اۉتکزیله‌دی دېدی.

بوگون تینچلیک اوچون تیارگرلیک کۉره‌یپمیز و بویوکلر اېسه تینچلیک اوچون یره‌تیلگن فرصتنی قۉلدن بېرمسلیگی کېره‌ک دېیه تاکید قیلدی جمهور رئیس غنی. اوروش بهاسی اوستیده توختلگن جمهور رئیس غنی، دنیا بانکی‌نینگ رسمی معلوماتیده یېتینچی ثور کودتاسیدن بن لایحه‌سیگه قدر افغانستان ۲۴۰ میلیارد دالر زیان کۉرگن و اۉتکن ۱۸ ییل آقیمیده هم هر کون اوروش بهاسینی فقط خلق تۉلب کېلگن دېدی او.

جمهور رئیس غنی تینچلیک یۉلیده‌گی بیزنینگ قراریمیز اوروش قیمتینی اۉرگه‌نیشیمیزنی معلوم قیله‌دی و بو قیمتنی هم افغان خلقی تۉلب کېلگن.

سۉنگگی وقتلرده غزنی ولایتیده عملگه آشیریلگن ترورچیلیک هجوم حقیده اشاره قیلگن جهور رئیس غنی، باله‌لرنی نشانگه آلیش انسانیت اوستیگه هجوم قیلیش بیلن تېنگ. افغانستان خلقی قاله ویرسه مملکت‌نینگ امنیتی و دفاعی کوچلری اساسی قانون و تیزیمگه حرمت کۉرسه‌تیب کېلگنی اوچون بولرگه ینه بیر منتدارچلیک بیلدیره‌من دېدی.

هر تامانلمه مذاکره باشله‌نیشی اوچون برچه قیین‌چیلیکلرنی کۉتریشگه اولگورگنینی تیلگه آلگن جمهور رئیس غنی، مېنینگ اساسی دستوریم همده مملکت اهالیسی اېسه تینچلیک ایسته‌یدی و بیز تینچلیکنی تامین یۉلیده‌گی سعی و حرکتیمیزگه دوام بېره‌میز.

محمد اشرف غنی‌نینگ سۉزلریگه قره‌گنده اۉتمیش ۱۸ ییل ایچیده تینچلیک اوچون  مناسب  بیر شرایط بۉلمه‌گن، بیراق حاضر اېسه تینچلیک قنده‌ی هم بۉلمه‌سین بو شرایطدن فایده‌له‌نیش ضرور. آرتگه قیتیش ملتیمیز و بیزلر اوچون امکانسیز بیر مساله دېیه تاکید قیلدی جمهور رئیس غنی.

جمهور رئیس‌نینگ کۉپه‌یتیریشیچه، اۉتکن قیرق ییلده آتیش کېسین بیر آرزو و هوس اېدی بیز بونی اثبات قیلدیک و هدفلی مذاکره دولت و طالبان اۉرته‌سیده عملی بۉلیشیگه فرصت یره‌تیله‌یپتی. عقلانیت یۉلی بیلن قیینچیلیگیمیزنی یېچیب اراده و نیت هم بو یۉلده مهم بیر امر حسابنلنه‌دی.

حاضرگی فسادنینگ ایلدیزی اۉتمیش ییللرگه باریب تقلیشیگه اشاره قیلگن جمهور رئیس غنی، فسادگه قرشی کوره‌ش بیر کیشی‌نینگ بورچی اېمس، بلکه دولت و جمععیت‌نینگ اساسی بورچ و رسالتی سنه‌له‌دی دیگن.

افغانستان سیاسی فلسفه‌سی عدالتگه استوار بۉلیشی حقیده اورغوله‌گن جمهور رئیس غنی، عدالت‌سیز زراعت، صنعت، تجارت و امنیتی و دفاعی کوچلر عمومن آلگنده حکومتچیلیکنی هم آلغه آلیب باریش ممکن اېمس.