افغانستان اسلامی جمهورلیک ریاستی‌نینگ طالبان تامانیدن آدملرنی قورقیتیش توغریسیده‌گی مطبوعاتی اعلامیه

طالبان حرکتی بیر اعلامیه ترقه‌تیب افغانستان خلقینی سیلاوده اشتراک قیلگن تقدیرده هجوم آستیگه آلیشی باره‌سیده آگاه‌لنتیرگن.

سیلاوده قتنه‌شیش و توغریدن ـ توغری آواز بیریش بیلن باشلیغنی تعیین قیلیش افغانستان ایلی‌نینگ قانونی و شرعی حقی بولیب حسابنله‌دی. قانونی حق و حقوق فایده‌له‌نیش افغانستان‌نینگ باش قانونیده قید ایتیلگن.

افغانستان دولتی جمهورلیک ریاستی‌نینگ سیلاوی شفاف، تینیق و مملکت بویلب اوتکزیلیشی اوچون لازم درجه‌ده تیارگرلیک آلگن. بو یول بیلن افغانستان حکومتی مملکت اهالیسی اوزی ـ اوزی‌نینگ سیاسی تقدیرینی تعین قیلیش قانونی حقوقیلریدن بیری.

اولکه‌نینگ اصل فرزندلری بولمیش افغانستان‌ خوفسیزلیک و دفاعی کوچلری، افغانستان خلقی‌نینگ بوتون یوتوقلری سقله‌نیشی یولیده اوز کوره‌شیگه دوام بیره‌دی. کیمسه بیراونینگ سیاسی تقدیریگه اره‌له‌شیب بو لایحگه توسیق بوله آلمه‌یدی.

حلی امریکا قوشمه ایالتلری رسمیلری بیلن قطرده مذاکرده آلیب بارووچی طالبلر ادعاسیگه تیسکری سیلاو مالی خرجتی‌نینگ کتّه قسمی افغانستان حکومتی آرقلی تولَنیله‌دی و لایحه‌ ایسه بوتونله‌ی افغانستانلیکلر تامانیدن مدیریت قیلینه‌دی.

سیلاو فعالیتی بیلن شغللنووچی برچه اداره‌لر قاله‌ویرسه افغانستان امنیتی و دفاعی کوچلریگه   بو ملی لایحه تعین قیلینگن زمانده اوتکزیلیشی اوچون ینه بیر بار کیکسین روشده بویروق بیره‌من. کورینیشیچه تینچلیک شعارینی بیرووچی طالبان گروهی، عملده هر کون افغانستان خلقی‌نی تورلی تومن اولیم بیلن تهدید ایته‌دی.

افغانستان ایلی طالبلرنینگ بو بو تهیدیگه قره‌مسدن اولکه‌نینگ دوشمنلری یوزی ینه بیر بار قاره بولیشی اوچون رای بیریش صندوقلریگه باریب اوز رایلری بیلن باشلیغلرینی تعین ایته‌دیلر.