کابل شهریده یوز بیرگن ترروچیلیک هجومگه عاید مطبوعاتی اعلامیه

ارگ، کابل: چقور قیغو و تاسف بیلن دوشنبه‌دن سه‌شنبه‌گه اوتر کیچه‌سی کابل‌نینگ بوتونله‌ی تینچ اهالی یشه‌یدیگن منطقه‌لریدن بیری طالبان گروهی تامانیدن عملگه آشیریلگن ترورچیلیک هجوم نتیجه‌سیده ینه بیر قنچه عزیز وطنداشلریمیز شهید و بعضیلری یره‌لندیلر.

مملکت جمهور رئیسی بو ترورچیلیک هجومنی قتّیق قاره‌لب ایتیشیچه، طالبلرنینگ اولکه و ایل ـ اولوس قرشیسیده‌گی اوروشی بشری بیر جنایت سنه‌له‌د‌‌ی. بو گروه‌نینگ رهبری افغانستان‌دن تشقریده یاتلرنینگ اختیاریده بولیب، اولرنینگ بویروغی بیلن بیزلرنینگ اولکه‌میزنی ویران ایتیب و خلقیمیزگه زیان ییتکزه‌دی.

جمهور رئیس غنی، مملکت‌نینگ ایریم حدودلریده دشمن‌نینگ تورلی هجوملرینی بیکار قیلیش‌گه موفق بولگن مملکت امنیتی و دفاعی کوچلری قهرمانلیگی و شهامتینی آلقیشلب، طالبلر هیچ بیر زمان ملی کوچلریمیز بیلن یوزمه ـ یوز بولیش کوچیگه ایگه ایمس؛ شونینگ اوچون بولر یازوو ترورچیلیک هجوملرنی عملگه آشیریشگه اولگوره‌دیلر.

بو ترورچیلیک هجومده یره‌لنگنلر دواله‌نیشی اوچون تیگیشلی اداره‌لرنینگ مسووللریگه قتّیق بویروق بیرگن جمهور رئیس غنی، شهیدلر عایله‌سیگه اوز قیغوداشلیگینی بیلدیریب، یره‌لنگنلر تیزلیکده ساغه‌لیشینی الله تعالیدن سوره‌یدی.