افغانستان اسلامی جمهوریت دولتی‌نینگ تینچلیک مذاکره خصوصیده‌گی مطبوعاتی اعلامیه

ارگ، کابل: افغانستان دولتی و خلقی دایمی بیر تینچلیک طلب قیله دیلر و تینچلیک اوچون آلیب باریله‌جک برچه سعی و حرکتلرگه اوزینی متعهد بیله‌دی. اما، طالبان حرکتی‌نینگ افغانلر برابریده‌گی جاری اوروشی همده زوروانلیگی تینچلیک مراسه‌نینگ توخته‌تیلیشیگه سبب بولدی. بیزلر طالبان افغانستانلیکلرنی اولدیریشنی توخته‌تیشی، آتیش کیسیننی تَن آلیشی، افغانستان حکومتی بیلن یوزمه ـ یوزمه مذاکرگه اولتیریشنی قبول قیلیشی بیلن‌آق حقیقی تینچلیک تامین بوله‌دی دییه بار ـ بار اورغولب کیلگن میز.

افغانستان دولتی تینچلیکنی تطبیق ایتووچی، دفاع قیلووچی و بونینگ طراحی اوله‌راق تینچلیک مصلحتی لویه جرگه‌نینگ قرارلریگه حرمت قیلیب بو جرگه تامانیدن تکلیف قیلینگن ییچیم یول ایزله‌نیشینی توغریسیده اوزین مسئول بیله‌دی.

افغانستان حکومتی اتفاقچیلری‌نینگ سعی و حرکتلرینی یوقاری بهاله‌گن حالده و کیله‌جکده امریکا قوشمه ایالتلری و اتفاقچی دولتلر بیلن بیرگه‌لیکده دایمی و خلق عزتینی سقلاووچی بیر تینچلیک اوچون قوشمه روشده ایش کوره‌دی.

افغانستان حکومتی ۶ – میزان‌ده اوتکزیلیشی ریجه‌لنتیریلگن جمهورلیک ریاستی سیلاوی آرقه‌لی وجودگه کیلووچی کوچلی و قانونی بیر حکومت تینچلیک لایحه‌سینی قونت همده بوتونله‌ی تدبیر یولی بیلن آغله آلیب باریشیگه ایشانچی کامل.