جمهور رئیس غنی: مملکت بېش شهری‌نینگ استراتژیک پلانینی توزه‌تیش ایش گزارشینی تینگله‌دی

جمهور رئیس غنی: مملکت بېش شهری‌نینگ استراتژیک پلانینی توزه‌تیش ایش گزارشینی تینگله‌دی

افغانستان اسلامی جمهوریتی‌نینگ جمهور رئیسی محمد اشرف غنی، بوگون کېچقرون ویدیو کنفرانس آرقلی ساساکی تامانیدن مزار شریف، هرات، قندهار، جلال آباد و خوست ولایتلری‌نینگ استرتژیک پلانینی توزه‌تیش ایشی قه‌یېرگه آلیب باریلگنی حقیده‌گی گزارشنی تینگله‌دی.

ارگ‌نینگ چهار چنار قصریده اویوشتیریلگن ویدیو کنفرانسده بیرینچیدن شهر قوریش وزیرلیگی‌نینگ سرپرستی جواد پیکار بو پلان توزیلیب تېزلشتیریلیشی اوچون اکادمیک مرکزلر و بیلیم یوتلری قۉشیلگنی، مذکور ریجه‌گه منطقوی پروژه‌لرنی سیغدیریش، یېر پالیسیسی و شهردارلیکلر قانونی قۉشیمچه پالیسی و قانونلرنی کۉریب چیقیش، دولت بۉیلب باشقرو کمیته ایجاد قیلیش، ریجه‌لر عملگه آشیریلیشی و قابلیت توزیش اوچون شهر قوریش وزیرلیگی بۉلیمیده شهری ترقیات پلان ریاستینی آچیش کبی مساله باره‌سیده معلومات بېردی.

کېینچلیک ساساکی تیمی یوقاریده اَیتیلگن بېش شهرنینگ استراتژیک ریجه‌سینی تیارلش خصوصیده‌گی آلغه سیلجیش باره‌سیده معلومات تقدیم قیلدی.

ساساکی‌نینگ بیلدیریشیچه، مذکور ریجه کېلگوسی بیر ییل ایچیده ترتیب قیلینه‌دی و کېین بونینگ عملگه آشیریلیشی اوچون ۵دن ۸ته  شهری آستقورمه پروژه‌نینگ شهرلر سرمایه یاتقیزیش پروژه‌سی تامانیدن دنیا بانکی آرقلی تۉله نیله‌دی. بولر محلی ارگانلر شهردارلیگی‌نینگ معنیت چهار چوبه‌سیده عملگه آشیریله‌دی.

بو خصوصیده‌گی برچه گزارشلرنی تینلگه‌گن جمهور رئیس غنی، شهرلر اوله‌نیشی، کانلر، سوو، انرژی، ترانستپورت و اېسله‌تیلگه شهرلرده‌گی بشری منبعلر اهمیتی، بو شهرلر بیر بیری بیلن علاقه قوریش، اۉزی – اۉز آیاغیگه توریش مزار شریف، هرات، قندهار، جلال آباد و خوست شهری‌نینگ پلان توزیشی و بو شهرلر اقتصادی نطقه نظردن قۉشنی شهرلر بیلن رقابتگه اۉتیشی خصوصیده هر تامانلمه گپیردی. پلان توزیش یۉلیده سعی و حرکت قیلگن ساساکی و مملکت شهر قوریش وزیرلیگی‌گه بو باره‌ده رحمت دېدی جمهور رئیس غنی.

اصلی مرکزی امریکا قۉشمه ایالتلری‌نینگ بوستون شهریده جایلشگن ساساکی شهری لایحه توزیش بیر کمپنی حسابلنه‌دی. ساساکی شهر قوریش و متخصص تیمی دنیا نینگ ۴۰دن آرتیق دولتیده خلق ارا تجربه‌گه اېگه. شونینگدېک بو کمپنی بوندن آلدین کابل شهری لایحه‌سینی ایشلب چیققن.