جمهور رئیس غنی قطر ییغینیده اشتراک قیلگن افغانستانلیک هیات بیلن اوچره‌شدی

جمهور رئیس غنی قطر ییغینیده اشتراک قیلگن افغانستانلیک هیات بیلن اوچره‌شدی

افغانستان اسلامی جمهورلیک ریاستی‌نینگ جمهور رئیسی محمد اشرف غنی، بوگون کېچ قطر ییغینی اشتراکچیلری بیلن اوچره‌شیب ملاقات قیلدی.

جمهور رئیسلیک سراییده اۉتکزیلگن بو اوچره‌شووده ایلک بار قطر ییغینیده اشتراک قیلگن افغانستانلیک هیات اوچ کونلیک ییغین تۉغریسیده جمهور رئیسگه معلومات بېریشدی. هیات بو ییغینده ملی بیرلیک، ینگی ارزشلر، یوتوقلرنی سقلش و اۉتکن ۱۸ ییل‌نینگ ترقیاتی اوستیده فکر المشتیریلگنینی اَیتدی جناب غنی‌گه.

بولر اوشبو ییغین افغانستان حکومتی بیلن طالبلر اۉرته‌سیده تۉغریدن ـ تۉغری مذاکره آلیب باریش اوچون اساسی بیر آدیم بۉلیشی حقیده امید بیلدیردیلر.

افغان هیاتیگه تشکرلیک قیلگن جمهور رئیس غنی، سیزلرنینگ بو ییغینده اشتراک قیلیشینگیز یخشی بیر باشله‌نیش بۉلدی. بو نمایندلیکلرینگیز بیلن افغانستان خلقی‌نینگ اساسی ایسته‌گینی طالبان تامانی بیلدیردینگیزلر دېدی او.

ملاقات‌نینگ مهملیگینی اظهار قیلگن جمهور رئیس غنی، برچه باسقیچلرده ملاقاتگه احتیاجیمیز بار؛ لېکن، تینچلیک لایحه‌سیگه آلغه سیلجیش‌نینگ یگانه یۉلی طالبلر افغانستان حکومتی بیلن تۉغریدن  ـ توغریدن مراسه‌گه اۉتیشگه باغلیقلیگینی تیلگه آلدی.

جمهور رئیس غنی نینگ سۉزلریگه کۉره، مېن تامانده تینچلیک مذاکره اوچون بوتونله‌ی تیارگرلیک بار و سیزلرنینگ اوشبو قطعنامه‌لرینگیز کوچه کیریتیلیشیگه قره‌مسدن، افغانستان حکومتی بونگه حرمت قائل.

عادتده مذاکره‌لرده قیین مساله و مناظره‌لر اوستیده تارتیشوولر آلیب باریلیشیگه اشاره قیلگن جمهور رئیس غنی، افغانستان حکومتی دایمی بیر تینچلیک و آسایشته‌لیککه اېریشیش اوچون اۉزی‌نینگ بو خصوصیده‌گی سعی وحرکتیگه دوام بېره‌دی دیگن.