جمهور رئیس غنی: سیلاو شفافیت و سلامتلیگیگه باعث بوله‌جک کیچیک بیر تهدیدگه هم رخصت بیرمه‌یمن

جمهور رئیس غنی: سیلاو شفافیت و سلامتلیگیگه باعث بوله‌جک کیچیک بیر تهدیدگه هم رخصت بیرمه‌یمن

افغانستان اسلامی جمهورتی‌نینگ جمهور رئیسی محمد اشرف غنی، بوگون کیچقرون ویدیو کنفرانس آرقهلی والیلر، قول اردولرنینگ قوماندانی، ولایتلرنینگ امنیه قوماندانی و سیلاو ولایتی کمیسیونلرنینگ باشلیغلری بیلن صحبت قیلیب، سیلاونینگ خوفسیزلیگی و شفافیتی اوستیده اورغولهدی.

جمهور رئیس غنی، امنیتی مسووللرنینگ سیلاو خوفسیزلیگی توغریسیده آلگن تیارگرلیگی و کمسییون مسئوللری‌نینگ لوژستکی تیارگرلیگی بارهسیدهگی گزارشلرینی تینگلهب، سیلاو کونیگیچه برچه رای بیریش مرکزلر، جمهورلیک ریاستی سیلاوی‌نینگ نامزدلری، سیلاو کونی امنیتی تامین بولیشی و سیلاونینگ حساس موادلری ییتکزیلیشیگه قّتیق اعتبار بیریلیشی اوستیده تاکید قیلدی.

طالبان‌نینگ کنترولیدن چیقاریلگن منطقه‌لر جمله‌دن بدخشان ولایتی‌نینگ وردج و یمگان تومنلریگه اشاره قیلیب، بو منطقهلرده هم خلق سیلاوده اشراک قیلیشی اوچون امنیت و شرایط یره‌تیلشی لازم دیدی. او، خاص عملیات‌نینگ بولیمی مذکور منطقه‌لرده عملیات اوتکزیش بیلن سیلاو اوتکزیشگه کمک قیله‌دی.

شونینگدیک جمهور رئیس غنی، ولایتلرنینگ حربی و نا حربی مسئوللریگه سیلاونینگ شفافیت و سلامتلیگیگه سبب بوله‌جک هر قندهی بیر مسالهنی کوزهتگن حالده، جدی تعقیب ایتیشلرینی بیلدیردی. غنی، سیلاو شفافیت و سلامتلیگیگه باعث بولهدیگن اینگ کیچ بیر تهدیدگه رخصت بیرمهیمن دییه اورغولهدی. قالگن اون توقّیر کوننی هم جمهورلیک ریاستی سیلاوی شفاف و عدالتلی اوتکزیلشی اوچون صرفلش کیرهک دیدی او.

جمهورلیک ریاستی سیلاوی اوتکزیلشیگه هیچ قنده‌ی شک و شبهه‌نگیز بولمه‌سین دیگن جمهور رئیس غنی، مشروعیت بولمه‌گنده تینچلیک تامین بولمه‌یدی دیدی. بیزلر اوچون تینچلیک بیرینچی اورینده دیگن غنی، لیکن تینچلیک‌نینگ کلیدی سیلاو دیر و سیلاونی اوتکزیش بیزلرنینگ تاریخی بورچ و رسالتیمیز سنه‌له‌دی.

باشقه تاماندن جمهور رئیس محمد اشرف غنی ولایتلرنینگ مسئوللریگه، جمهورلیک ریاستیگه کینگ کولمده قتنه‌شیش اوچون اهالینی کوپراق تشویق و ترغیب قیلیشلری باره‌سیده علیحده اورغوله‌دی.

بو ویدیو کنفرانسده سیلاو مسقتل کمیسیونی‌نینگ باشلیغی خانم حوا علم نورستانی، اوتگن سیلاولردن آلینگن درس و تجربه‌لردن فایده‌له‌نیب، اوشبو کمیسیون جمهورلیک ریاستی سیلاوینی مملکت بویلب اوتکزیش اوچون لازم درجه‌ده تیارگرلیک آلگن دیدی.#