جمهور رئیس غنی، هالند قِراللی دولتی‌نینگ هیاتی بیلن سوو مدیریتی تۉغریسیده گپیردی

جمهور رئیس غنی، هالند قِراللی دولتی‌نینگ هیاتی بیلن سوو مدیریتی تۉغریسیده گپیردی

بوگون کېچ افغانستان اسلامی جمهورلیک ریاستی‌نینگ جمهور رئیسی محمد اشرف غنی هالند قِراللی هیاتی و بو مملکت‌نینگ سوو بۉییچه متخصصی بیلن اوچره‌شیب ملاقات قیلدی.

سوو برق وزیرلیگی‌نینگ مسووللری بۉلگن بو اوچره‌شووده جمهور رئیس غنی دستلب هیاتنی خوش قرشیلب، هالند قِراللی دولتی‌نینگ باش وزیری بیلن سۉنگگی اوچره‌شوویده سوو مدیریتی خصوصیده بو مملکت اۉز تجربه‌سینی افغانستان بیلن شریک قیلیشی حقیده گپیریلگن اېدی دېگن. حاضر بو تۉغریده تخصصی بحث قیلیش شرایط یره‌تیلگن دېدی جمهور رئیس غنی.

سوو مدیریتی و اوندن فایده‌له‌نیش تۉغریسیده هالند قِراللی دولتی‌نینگ یوکسک تجربه‌سیدن فایده‌له‌نیلیشی باره‌سیده تاکید قیلگن جمهور رئیس غنی، افغانستان اېسله‌تیلگن بۉلیملرده قابلیتنی آشیریشگه احتیاج بارلیگنی تیلگه آلدی.

افغانستان یېریک سوو منبعلریگه اېگه‌لیگی حقیده اشاره قیلگن جمهور رئیس غنی، سوو اوستیده سرمایه یاتقیزیش حکومت‌نینگ بیرینچی لایحه‌لریدن حسابلنه‌دی دیگن. جمهور رئیس‌گه کۉره، بو ایش بیلن سوو تاشقینی آلدی آلینشیدن تشقری مملکتده قورغاق چیلیک اۉنگی هم آلینه‌دی.

افغانستان سوولری سقله‌نیشی اوچون جمهور رئیس غنی نینگ بو باره‌ده آلیب بارگن سعی و حرکتلریدن متندارلیک قیلگن هالند قِراللی دولتی‌نینگ هیاتی، بو مملکتده کیچیک، اۉرته و کتّه سوو توغانلری قوریلیشی اوچون همکارلیک قیلیشی باره‌سیده وعده بېردی. شونینگدېک بو ساحه‌ده مملکتی افغانستانلیک متخصصلر ملکه‌سینی آشیریش اوچون هر تامانلمه یاردم کۉرسه‌تیشگه تیار اېکنینی بیلدیردی مذکور هیات.