جمهور رئیس عالی فرهنگی کېنگشی آچیلیشنی بویوردی

افغانستان اسلامی جمهوریتی‌نینگ جمهور رئیسی محمد اشرف غنی، عالی فرهنگی کېنگشی آچیلیش فرمانی صادر قیلدی.

فرهنگی حوزه‌گه تېگیشلی ادارهلر هماهنگلیگی، اسلامی و فرهنگی قدریتلرحمایت بۉلیشی یۉلیده منبعلردن ایجابی فایدهلهنیش، تاریخی میراثلرگه مخصوص اعتبار قره‌تیش، صنعتچیلر و یازووچیلرنی قۉللب ـ قوتلش، ناشرلر وصنعتنی حمایت اېتیش، توریستی جاذبهلر تانیشتیریلیشی و توریزم صنعتینی قۉللب ـ قوتلش، شهروندلیک مدنیتینی کوچلنتیریش و قیینچلیکلرنی اۉرگهنیش، بشری و معنوی فرصت و قابلیتلر، فرهنگی قابلیت و سرمایه‌لرنی سقلش نیتده فرهنگی عالی کېنگشی آچیلیشی مذکور فرمانیده اساسیده تصدیقلندی.

اوشبو فرمانگه کۉره، افغانستان اسلامی جمهوریتی‌نینگ جمهور رئیسی باشقره‌دیگن بو کېنگش‌گه جمهور رئیس‌نینگ ایکّینچی اۉرین باسری، اطلاعات و فرهنگ، ارشاد، حج و اوقاف، معارف، عالی اۉقوو، پترولیم  کانلر، شهر قوریش وزیرلیکلری، ایچکی ایشلر وزیرلیگی‌نینگ خوفسیزلیک معینیتی، جمهورلیک ریاستی عالی مقامی‌نینگ عمومی باشلیغی، جمهورلیک ریاستی ایشلری بۉییچه اداره، محلی ارگانلر اداره‌سی‌نینگ باشلیغی، اکادمی علوم، ملی رادیو تلویزیون، کابل بیلیم یورتی‌نینگ باشلیغی، ملی کېنگش‌نینگ فرهنگی کمیسیونلری باشلیغلری، کابل شاروالی، جمهور رئیس‌نینگ نوآورلیک بۉییچه مصلحتچیسی، جمهور رئیس‌نینگ فرهنگی مصلحتچیلری، یازووچیلر بیرلشمه‌سی‌نینگ نمایندهلری، ناشرلر، صفنی بیرلشمهلر و صنعتچیلر، خبرچیلر، افغان فلم باشلیغی، ملی آرشیف و ملی موزیم باشلیغلری اعضالیک قیلهدی.

جمهور رئیس‌نینگ بو فرمانیده عالی فرهنگی کېنگشی‌نینگ سکرتریتی جمهور رئیس‌نینگ عمومی اداره‌سی باشلیغی همکارلیگیده اطلاعات وفرهنگ وزیرلیگی آرقهلی آلغه آلیب باریله‌دی. مذکور کېنگش‌نینگ فعالیت دستورینی ترتیب بېریب عالی فرهنگی کېنگش تصدیقیدن اۉتکزیش سکرتریت‌نینگ بورچی. کېنگش هر آیده بیر مرته ییغین اۉتکزیشهدی.