کابل خوفسیزلیک وضعیتینی تېکشیریش اوچون امنیتی ییغین اۉتکزیلدی

کابل خوفسیزلیک وضعیتینی تېکشیریش اوچون امنیتی ییغین اۉتکزیلدی

بوگون توشدن سۉنگ افغانستان اسلامی جمهوریتی‌نینگ جمهور رئیسی محمد اشرف غینی باشچیلیگیده کابل‌نینگ خوفسیزلیک وضعیتینی تېکشیریش ییغینی بۉلیب اۉتدی.

ییغینده افغانستان امنیتی و دفاعی اداره‌لری‌نینگ مسووللری کابل ولایتی‌نینگ عمومی خوفسیزلیک وضعیتی تۉغریسیده گزارش بېریشدن علاوه سیلاو همده اۉلکه مستقللیگی یوز ییللیگینی بیرم قیلیش اوچون لازم درجه‌ده امنیت تامین اېتیلیشی خصوصیده کۉریلگن تیارگرلیک حقیده معلومات بېردیلر.

کابل شهری‌نینگ امنیتی تامین بۉلیشی کۉپ مهملیگی اوستیده تاکیدلب گپیرگن جمهور رئیس غنی، اهالی نینگ بو حقیده‌گی تشویش و خواطری برطرف اېتیلسین دېدی.

سه‌شنبه‌دن چهارشنبه‌گه اۉتر کېچه‌سی کابل شهری‌نینگ اوچ نقطه‌سیده اۉتکزیلگن عملیاتده داعش حرکتیگه قرهشلی نېچه ترورچیلیک مرکز نابود قیلینگنی ایجابی بهالندی.

جمهور رئیس‌نینگ قۉشیمچه قیلیب ایتیشیچه، امنیتی و دفاعی اداره‌لرنینگ مسووللری، اوشبو حساس شرایطده کابل شامل بوتون افغانستان‌ده امنیتی اوچون انیق تدبیر آلیشی لارم. شونینگدېک جمهور رئیس، ترورچیلیک هجوملر آلدی آلینیشی اینیقسه مملکت مستقللیگی‌نینگ یوز ییللیگی مناسبتی بیلن اۉتکزیله‌جک بیرمده تینچ اهالی جانی سقله‌نیشی نیتده خوفسیزلیک برنامهلرنی جدی عنابتگه آلینیشی اوستیده علیحده اورغولهدی.

شو کبی سۉنگگی وقتلرده افغانستان امنیتی و دفاعی کوچلری تامایندن مملکت بۉیلب آلیب باریلگن عملیاتلرده دولت قوراللی مخالفلری بۉلمیش طالبان حرکتیگه آغیر ضربه بېریلگنی ییغینده تیلگه آلیندی.