جمهور رئیس غنی قربان هیبتی نمازینی ارگ‌نینگ دلگشای جامع مسجدیده اوقیدی

جمهور رئیس غنی قربان هیبتی نمازینی ارگ‌نینگ دلگشای جامع مسجدیده اوقیدی

افغانستان اسلامی جمهوریتی‌نینگ جمهور رئیسی محمد اشرف غنی، بوگون ایرتلب تشریفات قطعه‌سینی کوزتگندن سونگ قربان هییتی نمازینی ارگ‌نینگ دلگشای جامع مسجدیده اوقیدی.

قربان هییتی نمازی جمهور رئیس غنی‌دن علاوه، جمهورلیک ریاستی‌نینگ ایکّینچی اورین باسری  استاد سرور دانش، عالی محکمه همده قاضی القضات قانونپوه سید یوسف حلیم، سنا مجلسی‌نینگ باشلیغی فضل الهادی مسلمیار، دولت قوروچی تیمی نینگ بیرینچی اورین باسری امرالله صالحم ملکت‌نینگ بیر قنچه حربی و نا حربی یوقاری مرتبه‌لی رسمیلری، ملی کینگش‌نینگ بیر قنچه اعضالری، اهالی نینگ تورلی قتلمی، کابل‌ده‌گی اسلامی دولتلرنینگ ایلچیلری اشتراکیده اوقیلگندن سونگ هییتنی بیرـ بیراولریگه قوتلوغله‌دیلر.

کیین ییتکرمه‌لر حضوریده چیقیش قیلگن جمهور رئیس غنی قربان هییتی مناسبتی بیلن بوتون افغانستان خلقینی قوتلوغلب، حربی و ناحربی شهیدلرنینگ خانه‌دانیگه ینه بیر بار اوز قیغوداشلیگینی بیلدیردی. شونینگ  بیزنینگ ملی کیملیک، اقتدار و مملکت مستقل‌لیگیمیزنی دفاع ایتووچی افغانستان خوفسیزلیک و دفاعی کوچلریگه ینه بیر بار منتدارچیلیک قیلدی جمهور رئیس غنی.

اونینگ کوپه‌یتیریشیچه، حربی و نا حربی شهیدلر میراث‌خورلریگه اعتبار بیریب اولرگه همکارلیک قیلیش هر بیر کیشی‌نینگ انسانی بورچی سنه‌له‌دی.

شونینگدیک جمهور رئیس‌نینگ اورغولب ایتیشیچه، قورقینچ تشلش و ترورچییلیک هجوملرنی عملگه آشیریش بیلن افغانستان اسلامی جمهوریتی حکومتینی بُوی سوندیریشگه اولگوره دیگنلر ینه یوز مرته بو حقده فکر قیلیب اویله‌شی کیره‌ک. تینچلیک افغانستان خلقی‌نینگ اساسی ایسته‌گی لیکن، بو ملت زوروانلیککه تسلیم بولمه‌یدی اصلا.

جمهور رئیس غنی، مردم نینگ اولکه‌دن آواره بولیشیگه سبب بولووچی یره‌ش، تینچلیک ایمس، هر بیر افغانستانلیک‌نینگ عزت و حرمتی سقله‌نووچی تینچلیکنی ایسته‌یمیز دیدی. بیزنینگ ایلیمیز اولکه‌سیزلیک، یاشلرنینگ آواره بولیشی و سرمایه آلیب چیقیلیشی‌گه رخصت بیرمه‌یدی دیدی او.

افغانستانلیک خاتین ـ قیزلرنینگ کیبل بیلن کلتکلش زمانی اوتگنی حقیده اورغوله‌گن جمهور رئیس غنی، بونده‌ی بیر وضعیتنی ایندی بو بویوک ملت تَن آلمه‌یدی دیدی. تیل، قوم بیزلرنینگ فخریمیز شونینگ اوچون تینچلیک لایحه‌سیده هر بیر افغان‌نینگ تینگ‌لیگی جدی انابتگه آلینیشی ضرور. عین دَمده جمهور رئیس غنی تینچلیک سمتی، قومی  حزبی مساله ایمس، بو ملی بیر موضوعلیگینی هیچ کیم اونیتمسلیگی ضرور دیدی.

جمهور رئیس‌نینگ سوزلریگه قره‌گنده، تینچلیک اوچون آلتی باسقیچ جمله‌دن ملی بیرلیک حکومتی، اسلامی حزب بیلن یره‌شیش، جمهور رئیس ترامپ بیلن آلیب باریلگن مذاکره‌لر امریکا‌نینگ تینچلیک لایحه‌سیگه کوپراق اعتبار قره‌تیشیگه سبب بولدی، تینچلیک پیش شرطلری آلغه سوریلگن کابل کنفرانسی، رمضان هییتی‌ده آتیش کیسین اعلان ایتیلیشی و تینچنلیک مصلحتی لویه جرگهنی اوتکزدیک؛ دیمک، تینچلیک کیله‌دی و افغانستان ایلی ایسه حقیقی بیر تینچلیک ایسته‌یدی.

سیلاو اوستیده توختلگن جمهور رئیس غنی، سیلاو اسلامی و ملی بیر عنعنه دیر. افغانستان ملتی جمهور رئیسنی سیله‌ش بیلن اونگه صلاحیت بیریشی مقصدگه موافق.

جمهور رئیس غنی قانونیلیگینی سیاسی قتلم ایمس، افغانستان خلقی بیرگنیگه اشاره قیلیب، سیلاو جدی بیر احتیاج بونینگ اوتکزیلیشی اوچون لازم درجه‌ده تیارلیک کوریلگن دیدی.

غنی، افغانستان ملی کوچلی اراده‌گه ایگه و مسوول بیر دولت ایسته‌یدی و بو ایسه سیلاو سیز ممکن ایمس دیدی. افغانستان بیراو تامانیدن ساوغه قیلینگن نرسه ایمس، بلکه افغانستان اولکه مینگلب فرزندی نینگ قانی محصولی دیر.

باشقه تاماندن جمهور رئیس غنی کوچلی اراده بیلن آلغه باره‌میز دییه اشاره قیلیب ایتیشیچه، عزت، حیثیت، شرافت، بیرلیک و بیردملیگیمیزنی دایمی سقلب قالیشگه اولگوره‌میز.

عین حالده، افغانستان مستقللیگی‌نینگ یوز ییللیگی مناسبتی کیریب کیلیشی بیلن مملکت خلقینی تبرلیک ایتگن جمهور رئیس غنی، بو بیرمنی کیش و شخصیت اوچون ایمس، بلکه ملی هویتیمیز اوچون آلگن میز. دارالامان قصری نینگ قیته تیکله‌نیشی ملی تعهد و اولکه سیورلیک تماثلی دیر و دارالامان نینگ قیته قوریلیشی بیز نینگ قامومسده امکان‌سیز نرسه یوق ایکنینی ینه بیر بار ثابت قیلدی دیدی.

جمهور رئیس غنی، ملی بیرلیک، ملی عزت، ملی اراده، ملی اقتدار، ملی ترقیات ایسته یمیز افغانستانلیکلر بیرلیک و بیردملیک ایگه‌سی ایکن، هیچ بیر کوچ بیزنی ترقیات و رواجله‌نیشیمیز یولیده توسیق بوله آلمه‌یدی.

عین دَمدم جمهور رئیس غنی، افغانستان نینگ کیله‌جگی افغانستان ایچکریسیده، بو مملکت نینگ تقدیری هر بیر افغان نینگ سعی و حرکتی بیلن تعیین بوله‌دی.

سوزلری‌نینگ سونگگیده جمهور رئیس غنی ینه بیر بار افغانستان خلقی امنیتی و دفاعی کوچلری‌نینگ یانیده بوله‌دیلر چونکه بیزنینگ باتور و قهرمان کوچلریمیز افغانستان اساسی قانونینی حمایه قیلیب تورگنلر. افغانستان نینگ اوچ رنگلی بیرقی بیزنینگ ملی رمزیمیز بو بیرق مملکت‌نینگ هر بیر ییریده هیلپیره‌ب توریشی برچه‌میزگه کوچ و غرور بیره‌دی.