جمهور رئیس غنی، سیلاو امنیتینی تامین قیلیش اوچون قول اردولرنینگ آلگن تیارگرلیگینی تیکشیردی

جمهور رئیس غنی، سیلاو امنیتینی تامین قیلیش اوچون قول اردولرنینگ آلگن تیارگرلیگینی تیکشیردی

افغانستان اسلامی جمهوریتی‌نینگ جمهور رئیسی محمد اشرف غنی، اوتگن ‌کون کیچقرون ملی مدافعه وزیرلیگی باریب ویدیو کنفرانس آرقه‌لی جمهورلیک ریاستی سیلاوی خوفسیزلیگی تامین قیلینیشی اوچون قول اردولرنی کورگن تیارگرلیگینی تیکشیردی.

بیرینچیدن ملی دفاع وزیرلیگی نینگ سوق و ادراه مرکزی همده قول اردونینگ مسوللری خوفسیزلیک تدبیرلر و رای بیریش مرکزلرنینگ امنیتینی تامین قیلیش لایحه‌سینی جمهور رئیس تشریح قیلدیلر. بولرگه کوره، افغانستان ملی اردوسی جمهورلیک ریاستی سیلاوی امنیتینی تامین قیلیش اوچون لازم تیارگرلیک کورگن.

مملکت امنیتی و دفاعی کوچلری‌نینگ دایمگی قهرمانلیک و باتورلیگیدن منتدارچلیک قیلگن جمهور رئیس غنی‌گه کوره، افغانستان‌نینگ بویوک ملتی سیزلرگه بوتکول ایشانه‌دی.

عین دَمدم جمهور رئیس غنی قول اردولرنینگ سیلاو امنیتینی تامین قیلیش اوچون کورگن تیارگرلیگی اوچون رحمت دیب، اوتگن ییل پارلمانی سیلاو امنیتینی تامین قیلگنلرینگیز کبی ۶- میزان‌ده اوتکزیله‌جک جمهورلیک ریاستی سیلاوی خوفسیزلیگینی تامین قیله آلیشلرینگیزگه ایشانچیم کامل دیدی.

اوتکزیله‌جک جمهورلیک ریاستی سیلاوی‌نینگ اهمیتی خصوصیده اشاره ایتگن جمهور رئیس غنی، جمهورلیک ریاستی سیلاوی افغانستان تقدیری اوچون اوته مهم شونینگ اوچون هم افغانستان خلقی رای بیریش صندوقلرگه باریشده امنیت تامین بولگنی حقیده ایشانیشی ضرورلیگنی ایتدی.

شونینگدیک جمهور رئیس غنی، تیگیشلی امنیتی اداره‌لرنینگ برچه مسووللریگه، سیلاو خوفسیزلیگی تامین قیلینیشی اوچون بار امکانیتدن فایده‌له نیشلری حقیده علیحده بویروق بیریشدی.#