جمهور رئیس غنی‌نینگ بوگونکی وزیرلر کېنگشیده سۉزله‌گن نطقی

جمهور رئیس غنی‌نینگ بوگونکی وزیرلر کېنگشیده سۉزله‌گن نطقی

بسم الله الرحمن الرحیم

کون ترتیبیگه باریشدن آلدین، سۉنگگی نیچه کون ایچیده کابل و غزنی ولایتلریده یوز بېرگن هجوملرده تینچ اهالی و باله‌لر اۉلیمیگه سبب بۉلگن حادثه‌نی قتّیق قاره‌لشنی اۉرینلی دېب بیله‌من. بلاغتگه یېتمه‌گن گودکلرنی هجوم آستیگه آلیش هیچ بیر مذهب، دین و افغانیت بېلگیسی اېمس البته. بو یۉل بیلن امتیاز آلماقچی بۉلگنلر بو حقده ینه بیر یۉله فکر قیلیشی کېره‌ک.

تینچلیک‌نینگ اصلی اۉرنی افغانستان خلقی‌نینگ یوره‌گیده و افغانستان خلقی‌نینگ یوره‌گیگه جای آلمه‌گنلر بو ملت‌نینگ عزت و ایشانچینی اصلا قۉلگه کیریته آلمه‌یدی بو کۉرینیب تورگن مساله‌. امنیتی و دفاعی کوچلر اینیقسه مملکت ملی خوفسیزلیک کېنگشی‌نینگ مصلحتچیسی، مدافعه و ایچکی ایشلر وزیرلری، ملی امنیت عمومی باشقرمه‌سی‌نینگ باشلیغی و برچه همکالرینگیزگه چین کۉنگیلدن تشکرلیک اَیته‌من.

کوچلی و تدبیرلی بیر اقدام بیلن ایکّی مرته دشمن هجومینی کېسکین روشده دفع قیلدینگیزلر. افغانستان خلقی و بو مملکت مقدس توپراغیگه بۉلگن صمیمی عشق و  محبتینگیز هر دایم بو یورتنی دشمنلرنینگ شوم پلانیدن سقلب توره‌دی انشاالله.

امنیتی کوچلر و برچه نا حربی اداره‌لر اوچون مهم و کلیدی نکته‌لردن بیری سیلاو امنیتی و جمهور رئیسلیک سیلاونی تعیین بۉلگن زمانده اۉتکزیش دیر. سیلاو خصوصیده هیچ قنده‌ی شک شبهه گه اۉرین  یۉق.  سیلاونی اۉتکزیش بیزلرنینگ ملی بورچ و رسالتیمیز بونینگ اوچون بیزلر قانونی و اخلاقی تهعدگه کۉره عمل قیله‌میز. دېمک، جمهور رئیسلیک سیلاو شفاف، عدالتی و مملکت بۉیلب اۉتکزیلیشی اوچون برچه همکارلریمیزنی بو ملی لایحه اساسی شکلده یۉلگه قۉییلیشیگه ممکن قدر کمک و همکارلیک قیلیشیگه جدی احتیاج بارلیگینی بیله سیزلر.

خلق ارا مالی منبعلرنی تیارلشده اولگورگن حرمتلی مالیه زیرلیگیگه تشکر قیله من و ملی منبعلرنی تعیین قیلیش سیلاو اوچون بیرینچی اۉرینده توره‌دی. هر قنده‌ی مالی و پولی قیینچیلیکنی وقت و زمانیده بر طرف ایتیلیشیگه اعتبار قره‌تیش اساسی موضوعلردن حسابلنه‌دی.

تینچلیک و سیلاو بیرـ بیریگه باغلیق مهم مساله. تینچلیک یۉل خریطه‌سینی افغانستان خلقی‌نینگ تاریخی لویه جرگه‌سی تعیین قیلدی. بو یۉلده حکومت اینیقسه اۉزیم کۉپ چاره تدبیر کۉردیم.  مېن تشقی  سیاسی قره‌شدن اوزاق بیر مددت یعنی اۉتکن ایکّی آیده آلغه آلیب باریلگن یېریک ایشلردن بیری اوروشدن تینچلیک تامان اۉتیش و معلوم بیر موفقیتگه اېریشیش و هر قنده‌ی بیرلیککه اېریشیش  حلی سېکین ـ سېکین شکللنماقده بونی بیلینگلر.

اسلامی کنفرانسده اشتراک قیلیش اوچون سعودیه عربستانی سفریمدن سۉنگ شانگهای کنفرانسی و انگلستان اینیقسه پاکستان‌ سفریمیزنی کۉردینگیز بولر برچه‌سی بیزلرگه خوف‌سیز قانونچیلیک و اساسی قانون  و فقرالیک بیر تیزیمدن نماینده‌لیک قیلیشیمیزنی اثباتله‌دی.

بیزلر ایریم دولتلر  اینیقسه قۉشنی مملکتلر مقابلیده کوچسیزلیک و کبرلی بیر اۉریندن اېمس، معین بیر سیاسی اساسیده ایش کۉره‌میز. تکبرنینگ سیاستده اۉرنی یۉق و شونینگدېک کوچ سیزلیک‌نینگ هم اۉرینی بۉش. بو میزنینگ تیوره‌گیده تورگن برچه لرینگیزنینگ برکتینگیدن بوگونکی افغانستان قوریقلیکده قالگن بیر افغانستان اېمس. حاضر منطقه‌نینگ تۉرت یۉلیگه اۉزگیریش عرفه‌سیده تورگن بیر افغانستان میز.

بیزلر بیرلیک و بیردملیک بیلن ایشلریمیزنی آلغه آلیب بارسک  منطقه‌نینگ ترقیات کلیدی افغانستان کېله‌جک نسلی‌نینگ قۉلیده بۉله‌دی. هر بیر لحاظدن کلیدی بیر نقشنی اۉینش اوچون تیار بۉلگن میز. بیز قۉشنی دولتلر بیلن فقط آشتی اېمس بلکه اولر بیلن هیچ بیر زمان اوروشنی ایستمه‌یمیز.

بلکه قۉشنی دولتلر بیلن اساسی شکلده همکارلیکده بۉلیشنی طلب قیله‌میز. افغانستان حکومتی تکلیف قیلگن لایحه فقط بیزنینگ مملکت اېمس، بوتون قۉشنی دولتلرنینگ آسایشته‌لیگی و برقرارلیککه اېریشیشنی اۉیله‌گن میز.

سیلاو و کمپاین باشله‌نیشی عرفه‌سیده تورگن کابینه‌نینگ برچه اعضالریدن فقط بیته التماسیم بار خلقنی اۉیلب اولرگه خذمت کۉرسه‌تیش دیر. سیلاو سیزلرنینگ ایشینگیز اېمس، فقط مملکت‌نینگ عادی فقراسی حیثیده هر کیمگه رای بېرماقچی بۉلسنگیز اېرکین سیز.

اما افغانستان حکومتی نینگ یوقاری مرتبه‌لی بیر رسمیسی صفتیده سیلاوگه هم اره‌لشه آلمه‌ی‌ سیزلر و سیلاوهم سیزلرنی خذمت قیلیش یۉلینگیزدن آزدیرملسلیگی‌گه امید اېته‌من. افغانستان ملی امنیتی و دفاعی کوچلری سیلاوده طرف‌سیز قالیشی انشاالله گرتنی بۉلگن. نا حربی اداره‌لرنینگ مسووللری قانون، مقررات  و صادر بۉلگن حکملرگه موافق عمل قیلیشی حتمی دیر.

خذمت کۉرستمسدن بیز آلغه باره آلمه‌ی میز. دولتلر تجربه‌سینی کۉرینگ، برچه اداره‌لر کیچیک سیاستلر تامان بارگنده ملی سیاست بۉلمیش خذمت کۉرسه‌تیش اۉرنیگه مردم اینیقسه جمعیت‌نینگ اېنگ قشقاق قتلیمی جدی زیان کۉره‌دی. بیزنینگ ایش فقط خذمت قیلیش. وظیفه‌میزنینگ سۉنگکی لحظه‌لریگه قدر قانون و افغان خلقی‌نینگ ایسته‌گی اساسیده ایشلریمیزنی ایلگری آلیب باره‌میز.#