کابل و ننگرهارده یوز بېرگن ترورچیلیک هجومگه عاید مطبوعاتی اعلامیه

کابل، ارگ: طالبلر بیر قنچه جنایتی دوامیده بوگون ایرته‌لب ایکّی ایری ترروچلیک هجوم عملگه آشیردی. بیرینچی هجوم پترولیم و کانلر وزیرلیگی‌نینگ ملازملری مینیلگن موتر اوستیده و ایکینچیسی اېسه کابل شهری‌نینگ تۉقیزینچی ناحیه‌سیگه قره‌شلی منطقه‌ده یوز بېردی.

عین دَمده ننگرهار ولایتی‌نینگ خوگیانی تومنیده طالبلر تامانیدن اۉرنه‌تیلگن ماین پارتله‌گن. بو واقعه‌لرده شهردارلیک تنظیف ریاستی ایشلاوچیلری قۉشیمچه بیر قنچه خاتینلر و بلاغتگه یېتمه‌گن کۉدگلر شهید و یره‌لندی.

بو دهشتلی حادثه‌نی قتّیق قاره‌له‌گن جمهور رئیس محمد اشرف غنی‌گه کۉره، طالبان بیر تاماندن سۉزلشوو آلیب باره‌دی و باشقه بیر طرفدن اېسه بشریتگه ضد یاووز هجوملرنی عملگه آشیره‌دی. اما، طالبلر بو قیلمیشی بیلن تینچلیک سۉزلشوولر‌ده امتیاز آلالمه‌دی؛ بلکی خلق‌نینگ‌ کۉپراق نفرتیگه سزاوار بۉله‌دی.

افغانستان اسلامی جمهورلیک ریاستی‌نینگ جمهور رئیسی، شهید بۉلگنلر خانه‌دانیگه اۉز قیغوداشلیگینی بیلدیریب، حاثه‌ده یره‌لنگنلر ساغه‌لیشینی الله تعالیدن سۉره‌دی.