کابل شهریده یوز بېرگن ترورچیلیک هجوم حقیده مطبوعاتی اعلامیه

ارگ، کابل: افغانستان خلقینینگ یاوولری بوگون اېرتلب کابل شهری‌نینگ نا حربی منطقه‌لریدن بیریده عملگه آشیریلگن ترورچیلیک هجوم عاقبتیده بلاغتگه یېتمه‌گن باله‌لر قۉشیمچه بیر قنچه گناه‌سیز وطنداشلریمیز قربان بۉلدی.

بلاغتگه یېتمه‌گن باله‌لر و گناه‌سیز وطنداشلریمیز قربان بۉلیشیگه سبب بۉلگن بو حادثه‌نی قتّیق قاره‌له‌گن جمهور رئیس محمد اشرف غنی، دشمن بو قبیل یازوو عملنی بجریش بیلن ملت‌نینگ تینچلیک، آسایشته‌لیک و برقرارلیککه اېریشیش یۉلیده‌گی کوچ اراده‌سیگه سلبی تاثیر تشله‌آلمه‌یدی دېدی. حادثه‌ده زیان کۉرگنلرگه جدی اعتبار قره‌تیلیشی خصوصیده تېگیشلی اداره‌لرگه وظیفه بېرگن اولکه جمهور رئیسی، شهیدلر عایله اعضالریگه چقور قیغوداشلیک بیلدیریب یره‌لنگنلر تېز آره‌ده ساغه‌لیب کېتیشینی الله‌دن طلب قیلدی.