کابل شهری‌نینگ توقیزینچی ناحیه‌سیده یوز بیرگن ترورچیلیک هجومگه عاید مطبوعاتی اعلامیه

ارگ، کابل: تاسف بیلن اوتگن کون کیچقورون افغانستان خلقی نینگ یاولری کابل شهری‌نینگ توقیزینچی ناحیه‌سیده ترورچیلیک هجوم عملگه آشیریش بیلن بیرلشگن ملتلر تشکیلاتی نینگ بیر خادمینی اولدیریب بیر قنچه وطنداشلریمیزنی یره‌لنتیردی.

بو ترورچیلیک هجومنی قتّیق قاره‌له‌گن افغانستان اسلامی جمهوریتی‌نینگ جمهور رئیسی محمد اشرف غنی، حادثه‌ عامللری تَنیلیب قولگه آلینیشی اوچون خوفسیزلیک اداره‌لرگه جدی بویروق بیردی. غنی جنابلری، افغانستان‌ده نا دولت ایشلر بیلن شغللنه‌دیگن تشکیلاتلر خادمی خوفسیزلیگی تامین قیلینیشی اوچون خوفسیزلیک اداره‌لرگه لازم بویروق بیردی. بیرلشگن ملتلر تشکیلاتی خادمی اولدیریلیشی مناسبتی بیلن تشکیلات اعضالری اولدیریلگن کیشی‌نینگ عایله‌سیگه اوز قیغوداشلیگینی بیلدیرگن جمهور رئیس غنی، بو ترورچیلیک هجومده یره‌لنگنلر دواله‌نیشی اوچون تیگیشلی اداره‌لرگه بویروق بیردی.