هلمند چیگره لواقوماندانی شهید ایتیلگنی حقیده مطبوعاتی اعلامیه

ارگ، کابل: افغانستان خلقی‌ دشمنلری تامانیدن عملگه آشیریلگن پارتلشده هلمند ولایتی‌نینگ چیگره تورتینچی لوا قوماندانی جنرال ظاهر گل مقبل شهید ایتیلیب مذکور لوانینگ ایکّی عسکری قوشیمچه محلی بیر خبرچینی ایسه یره‌لنگن.

بو ترورچیلیک هجومنی قتیق قاره‌لگن جمهور رئیس غنی، شهید جنرال مقبل اولکه‌نینگ صادق و باتور فرزندلریدن بیری ایکنینی ایتدی. مذکور جنرال ترورچیلیککه قرشی کوره‌ش و مملکت ییر بوتونلیگینی مدافعه قیلیش یولیده اوز جانینی قربان قیلدی دیدی جمهور رئیس.

جمهور رئیس غنی، ترورچی گروه‌لر و بولرنی قوللب – قووتلاوچیلر بونده‌ی یاووزلیک هجوملرنی عملگه آشیریش بیلن بو یورت‌نینگ صادق فرزندلری‌نینگ جمهوریت و ملی قدریتلرنی سقلش یولیده‌گی اراده‌سیگه توسیق بوله آلمه‌دیلر دییه تاکید قیلدی.

شهید جنرال مقبل عایله اعضالریگه اوز قیغوداشلیگینی بیلدیرگن افغانستان اسلامی جمهوریتی‌نینگ جمهور رئیسی محمد اشرف غنی،  یره‌لنگنلر بوتکول ساغه‌لیشینی الله تعالیدن سوره‌دی.#