جمهور رئیس غنی سریلانکانینگ افغانستان‌د‌ه ماموریتی توگه‌گن ایلچیسی بیلن اوچره‌شدی

جمهور رئیس غنی سریلانکانینگ افغانستان‌د‌ه ماموریتی توگه‌گن ایلچیسی بیلن اوچره‌شدی

بوگون توشدن آلدین افغانستان اسلامی جمهوریتی‌نینگ جمهور رئیسی محمد اشرف غنی، سریلانکانینگ افغانستان‌ده‌ ماموریتی توگه‌گن ایلچیسی گگن پولاستی بلاتستنگهالا جنابلری بیلن اوچره‌شدی.

ارگ‌ده بولیب اوتگن بو اوچره‌شووده جمهور رئیس غنی، گگن پولاستی ماموریتی دوریده افغانستان و سریلانکا سیاسی، اقتصادی، فرهنگی علاقه‌لری هر تامانلمه مستحکم‌له‌نیشی یۉلیده آلیب باریلگن یوکسک سعی و حرکتلر اوچون اۉز منتدارچیلیگینی بیلدیردی. شونینگدېک جمهور رئیس غنی، گگن پولاستی‌نینگ کېینگی بجره‌جک ماموریتلریگه اولکن موفقیت طلب قیلدی.

سۉنگ سریلانکانینگ ایلچیسی جمهور رئیس محمد اشرف غنی‌گه منتتدارچیلیک بیلدیریشدن بۉلک، افغانستان‌ده بجرگن ماموریتیدن خرسند اېکنینی تیلگه آلدی. عین دَمده افغانستان‌ده اقتصاد رواجله‌نیشی، اوروش یکونله‌نیشی و تینچلیک و برقرارلیک تامین قیلینیشی اوچون جمهور رئیس‌نینگ سعی وحرکتلری آلقیشگه سزاوار دېدی اېلچی. اونینگ سۉزلریگه کۉره، سریلانکا هم اوروش‌نینگ قاره باسقیچینی اۉتکزگن و حاضر اېسه بو مملکت تینچ بیر فضاده حکم سورماقده.

تینچلیک افغانستان حکومتی و خلقی نینگ بیرینچی ایستکلریدن بۉلگنی اوستیده اشاره قیلگن جمهور رئیس غنی، بو مملکتده دایمی بیر تینچلیک و برقرارلیک تامین بۉلیشی اوچون سریلانکانینگ تجربه‌لریدن دېیرلی فایده‌لنیش مقصدگه موافقلیگنی بیلدیردی.#