خوفسیزلیک اداره‌لر‌ی‌نینگ مالی باشقریلیش ریجه‌سی هر تامانلمه محاکمه قیلیندی

خوفسیزلیک اداره‌لر‌ی‌نینگ مالی باشقریلیش ریجه‌سی هر تامانلمه محاکمه قیلیندی

بوگون توشدن آلدین افغانستان اسلامی جمهوریتی‌نینگ جمهور رئیسی همده قوراللی کوچلر اعلی باش قوماندانی محمد اشرف غنی، ملی مدافعه همده ایچکی ایشلر وزیرلیگی‌نینگ اۉرین باسرلری بیلن اۉتکزگن ییغینده، خرجتلرنی تېجه‌ش و مالی منبع بېهوده صرفلنمس‌لیگی اوچون خوفسیزلیک اداره‌لری‌نینگ مالی باشقریلیشینی هر تامانلمه تېکشیردی.

ارگ‌ده بۉلیب اۉتگن بو ییغیلیشده بیرینچیدن افغانستان جمهور رئیسی، مدافعه و ایچکی ایشلر وزیرلیکلری‌نینگ 1398- ییلده‌گی تېجه‌ش حقیده‌گی گزارشینی تینگله‌ب، خوفسیزلیک و دفاعی اداره‌لری‌نینگ ایریم بۉلیملری جمله‌دن تیل، اعاشه، ضروری بۉلمه‌گن بویوملر و کېلشوولرده‌گی خَرجتلرده کۉزگه کۉرینرلی درجه‌ده تېجه‌ش کېلگنینی اَیتدی. او، خوفسیزلیک اداره‌لریگه بودجه خَرجتلری ثمره‌دارلیگینی آشیریش و استندردلشتیریش مالی تیزیم یره‌تیش ضرورلیگینی اورغوله‌دی.

جمهور رئیس‌غنی نینگ کۉپه‌یتیریشیچه، بودیجه‌نی صرفلش اوچون ایجابی آدیم کۉتریش یۉلیده خوفسیزلیک و دفاعی اداره‌لری‌نینگ بودجه‌سی قۉشیمه معین بیر آماج اساسیده مذکور اداره‌لرنینگ تېجه‌ش ریجه‌سی ترتیب بیریلیشی کېره‌ک. شونینگدېک او، فسادگه قرشی جدی کوره‌ش و منبع بېهوده صرفله‌نیشی‌نینگ آلدینی آلیشگه کۉپراق اعتبار قره‌تیش ضرورلیگینی تیلگه آلدی.

خوفسیزلیک و دفاعی اداره‌لری‌نینگ تشکیلاتی کۉپ بۉلگنی‌گه اشاره قیلگن غنی جنابلری، مذکور اداره‌لرده تشکیلات کۉپلیگی آلدی آلینیشی مقصدیده امنیتی و دفاعی اداره‌لر تشکیلاتی اساسی روشده کۉریب چیقیلیشی حقیده مسئولرگه بویروق بېردی.

باشقه تاماندن غنی جنابلری، ولسواللیکلر بۉیلب حربی قرارگاه‌لر، بویوملر و نقلیه واسطه‌لر وضعیتی اۉرگه‌نیلیشی لازملیگینی تیلگه آلدی. اونینگ کۉپه‌یتریشیچه، بو خصوصیده تېکشیروو اۉتکزیلگندن سۉنگ کمچیلیک و احتیاج بۉلگن موردلر یاروتیلیب موجود معمالر برطرف بۉلیشی اوچون انیق بیر ریجه اوستیده هم ایشلش درکار.

حربی مرکزلر، بویوملر و نقلیه واسطه‌لر دایمی سقله‌نیب قالیشی اولکن اهمیتگه اېگه‌لیگینی بیلدیرگن غنی جنابلری، خوفسیزلیک و دفاعی اداره‌لرنینگ مسووللریگه، اوشبو اداره‌لرنینگ حربی مرکزلری، بویوملری و نقلیه واسطه‌لری درست سقله‌نیشی اوچون هم منتظم ریجه توزیشلرینی سۉره‌دی.