افغانستان اسلامی جمهوریتی‌نینگ جمهور رئیسی محمد اشرف غنی، افغانستان اوچون بیرلشگن ملتلر تشکلاتی‌نینگ مخصوص نماینده‌سی تادامیچی یوماموتو بیلن اوچره‌شدی.
بوگون کېچقورون خوفسیزلیک اداره‌لرنینگ مسئوللری حضوریده ارگ‌ده بۉلیب اۉتگن بو اۉلتیریشده یوماموتو جنابلری، افغانستان‌ده بیرلشگن ملتلر تشکیلاتی‌نینگ خادملری و موسسه‌لری خوفسیزلیگی تۉغریسیده‌گی تکلیفنی جمهور رئیس بیلن اۉرته‌گه قۉیدی.
بوندن بیر هفته آلدین کابل شهری‌نینگ تۉقیزینچی ناحیه‌سیده اویوشتیریلگن هجومده بو تشکیلات‌نینگ بیر خادمی اۉلدیریلگنی و بیر قنچه کیشیلر یره‌لنگنی باره‌سیده اشاره قیلگن یوماموتو، تشکیلات‌نینگ موسسه‌لری همده خادملری‌نینگ خوفسیزلیگی اوچون جدی تدبیر آلینیشینی بیلدیردی.
سۉنگ، مملکت خوفسیزلیک اداره‌لری‌نینگ مسئوللری، افغانستان‌ده بیرلشگن ملتلر تشکیلاتی‌نینگ موسسه‌لری همده خادملری‌نینگ خوفسیزلیگی تامین قیلینیشی اوچون ینگی تېشکروو باشله‌گنلرینی اَیتدیلر.#