خوست و بلخ ولایتلریده یوز بېرگن پارتلشلرگه تېگیشلی مطبوعاتی اعلامیه

ارگ، کابل: تاسف بیلن افغانستان دشمنلری جنایتلری دوامیده بوگون ینه بیر بار خوست ولایتی‌نینگ علیشیر وللسوالیگی و مزار شریف شهریده اۉرنتگن ماینی پارتله‌شی نتیجه‌سیده خاتینلر، باله‌لر قۉشیمچه بیر قنچه یورتداشلریمیزنینگ شهید بۉلیشی سبب بۉلدی.

جمهور رئیس غنی اوشبو حادثه‌لرنی قاره‌لشدن علاوه، طالبلر افغانستان خلقینی اۉلدیریش، وحشت، یاووزلیک، جنایت، ترور و بخت‌سیز یره‌تیشدن باشقه ایشی یۉق دېدی. بولر جنایت و هجوملرنی عملگه آشیریب همده عامه موسسه‌لر و تینچ اهالینی اۉلدیریش بیلن اۉزلریگه نسبت خلق نفرتینی کۉپیه‌تیریشدن باشقه نرسه قۉلگه کېلتیرمه‌دی دېدی غنی جنابلری.

شبهه‌سیز، مملکت خوفسیزلیک و دفاعی کوچلری بو قبیل جنایت و وطنداشلریمیز قانینی تۉککنلردن اۉچ آله‌دیلر. ترورچیلر مملکت نینگ قه‌یېریده بۉلمه‌سین ملی کوچلر تامانیدن نابود قیلینه‌دی.

شونینگدېک، جمهور رئیس غنی، مذکور جنایت عامللری تانیلیب قۉلگه آلینگندن سۉنگ جزاله‌نیشی حقیده بویروق بېردی. باشقه تامان غنی جنابلری، قربان بۉلگنلر عایله‌سیگه اۉز قیغوداشلیگینی اظهار قیلیب، یره‌لنگنلر تېزلیکده ساغه‌لیشینی الله تعالی‌دن طلب قیلدی.