جمهور رئیس غنی: ایچکی ایشلر وزیرلیگی‌گه اره‌له‌شیش صفرگه یېتیشی کیره‌ک

جمهور رئیس غنی: ایچکی ایشلر وزیرلیگی‌گه اره‌له‌شیش صفرگه یېتیشی کیره‌ک

بوگون توشدن آلدین افغانستان اسلامی جمهوریتی‌نینگ جمهور رئیسی همده قوراللی کوچلر اعلی باش قوماندانی محمد اشرف غنی، شهید ستر پاسوال عبدالرازق ملی پولیس اکادمی‌نینگ اۉن بیرینچی دور بیتتیروو مناسبتی بیلن اۉتکزیلگن ییغینده قتنه‌شیب قیلیب گپیردی.

امنیت و برقرارلیک تامین بۉلیشی یۉلیده جانلرینی قربان قیلگن ملی پولیس‌گه منتدارچیلیک بیلدیرگن مملکت جمهور رئیسی، بیزلر برچه شهیدلرنینگ عایله‌سیگه هر تامانلمه یېتیش اوچون بېرگن وعده‌میزده تورگن دېدی. ملی پولیس کوچلریمیز شهادتنی قبول قیلیش بیلن، بار – بار کوچلی اسلامی و ملی روحیه‌ده اېکن‌لیگلرنی بار – بار اثباتله‌دیلر دېدی او.

شهید ستر پاسوال عبدالرزاق ملی پولیس اکادمینی بیتتیرگن 455 کیشینی قوتله‌گن افغانستان جمهور رئیسی محمد اشرف غنی‌نینگ بولرگه خطاب قیلیب ایتیشیچه، سیزلرنینگ هر بیرینگیز ملی اراده‌نینگ تمثیلچیسی سنه‌له‌سیزلر. سیزلر بدنینگیزده‌گی اېنگ سۉنگگی تامچی قانگه قدر، بو مقدس یورتنی اسره‌ب – اویله‌گن سیزلر دېدی. بوندن کېین، سیزلر بیر کیشی اېمس، بلکه قانون حاکمیتی‌نینگ اصلی کوچی سنه‌له‌سیزلر دېیه قۉشیمچه قیلدی.

ملی پولیس کوچلری‌نینگ بورچ و رسالتینی اهمیتلی اته‌گن جمهور رئیس غنی، پولیس‌نینگ کونده‌لیک ایشی تۉغریدن – تۉغری خلق‌قه باغلیق، آدملرنینگ رضالیگی و نا رضایتی پولیس‌نینگ کفایت و رویه‌سیدن ایلدیز آله‌دی دېگن.

پولیس اوستیگه شونچه‌لیک ایشانچ بۉلیشی کېره‌ک که، هر بیر افغان‌نینگ باله‌سی قیینچیلیک‌که دوچ کېلگن حالده، پولیس‌گه مراجعه قیلیشی کېره‌ک دېدی غنی جنابلری. هر بیر افغانستانلیک، پولیس‌ده قانون، وریه و ایزگو اخلاق نینگ اقتدارینی کۉریشی ضرورلیگینی تیلگه آلدی او.

جمهور رئیس غنی‌نینگ کۉپه‌یتریشیچه، پولیس کوچلری اۉن سکّیز ییلدن بېری اوروشگه یونلتیریلگن، بولرنینگ اصلی بورچی حسابلنمیش قانون حاکمیتینی تطبیق اېتیش دیر، بولر اصلی وظیفه‌سیگه یونلتیریلیشی کېره‌ک. شونینگدېک، او امنیتی اداره‌لرنینگ مسئوللریگه، پولیس‌نینگ اوستیگه یوکلنگن آرتیق وظیفه‌لر تېز آره‌ده کۉریب چیقیلیشی اوچون بویروق بېردی.

ایچکی ایشلر وزیرلیگی‌گه اره‌له‌شیش صفرگه یېتیشی اوستیده ینه بیر بار اورغوله‌گن جمهور رئیس غنی‌گه کۉره، هیچ بیر کیشی مذکور وزیرلیک‌نینگ ایشیگه اره‌لشا‌آلمه‌یدی. قانون بیر سانده تطبیق اېتیلیشی اوچون، دولت‌نینگ برچه اداره‌سی ملی پولیسنی قۉللب – قووتله‌یدی دییه تاکید قیلدی او.

باشقه تاماندن جمهور رئیس محمد اشرف غنی، ایچکی ایشلر وزیرلیگی‌نینگ مسئولریگه، شهید ستر پاسوال عبدالرزاق‌ ملی پولیس اکادمیسیده سرمایه یاتقیزیلیشیدن تشقری، منصبدارلرنینگ ایش محیطی تعصب، فساد و ایشانچ‌سیزلیکدن ییراقده بۉلیشی حقیده بویورق بېردی.

شونینگدېک، بو ییغینده چیقیش قیلگن مملکت ایچکی ایشلر وزیرلیگی‌نینگ سرپرستی محمد مسعود اندرابی، منصبدارلرنی بو بیتّیروو مناسبتی بیلن قوتله‌ب، شهید ستر پاسوال عبدارازق ملی پولیس اکادمینی بیتّیرگنلر کابل ولایتی، اینیقسه ولسواللیکلرنینگ حوزه‌لریگه ایشگه آلینه‌دیلر دېدی.

جنایت کمه‌یشی اوچون آلینگن تدبیرگه اشاره قیلگن اندرابی جنابلریگه کۉره، جنایتگه قرشی ینگی طرزالعمل همده حوزه‌لرنینگ ایشیگه عاید ینگی ریجه کوچگه کیریتیلگن بونینگ یانیده کابل‌ده خوفسیزلیک ریجه کوچه‌یتیریلیشی مقصدیده  ۱۲۰۰ کیشی  ایچکی ایشلر وزیرلیگی‌نینگ قرارگاه‌لریدن یوقاریده ایتیلگن ایشگه یونلتیریلگن دېدی.

افغانستان ایچکی ایشلر وزیرلیگی‌نینگ مسلکی‌لشتیریش، پولیس تعلیماتی، کادری ایشلرگه یېتیش، پولیسنی قۉللب – قووتلش و شهید بۉلگن پولیسلرنینگ خانه‌دانیگه یېتیش اوچون وزیرلیک معین ریجه‌لرنی نظرده توتگن دېیه قۉشیمچه قیلدی اندرابی جنابلری.

شونینگدېک، ایچکی ایشلر وزیرلیگی نینگ پرسونل و تعلیمات ایشلر بۉییچه معینی مل پاسوال عبدالجبار پردلی گپیریب، 455 کیشی یاش منصبدار شهید ستر پاسوال عبدالرازق ملی پولیس اکادمیسیده تورلی بۉلیملر جمله‌دن جنایی، تورمه‌لر اداره‌سی، ترافیک، لوژیتسک، چېگره و خوفسیزلیک بۉییچه تحصیل آلیب، یورت و خلق اوچون خذمتده شَی اېکن‌لیکلرینی اَیتدی.

شونینگیدېک، اوشبو یېریک ییغینده، شهید ستر پاسوال عبدالرازق ملی پولیس اکادمیسی‌نینگ اۉن بیرینچی دورینی یوکسک درجه‌ده بیتتیرگن بېش کیشیگه غازی میر بچه‌خان دولت مدالی جمهور رئیس تامانیدن بېریلدی. جمهور رئیس غنی‌نینگ بو تۉغریده‌گی فرمانی، جمهور رئیس‌نینگ فرهنگی ایشلر بۉییچه مصلحتچیسی اسدلله غضنفر تامانیدن اۉقیلدی.