جمهور رئیس غنی، قندهارلیک نفوذلی شخصیتلر و بویوکلر بیلن اوچرهشدی

جمهور رئیس غنی، قندهارلیک نفوذلی شخصیتلر و بویوکلر بیلن اوچرهشدی

بوگون توشدن آلدین افغانستان اسلامی جمهوریتی‌نینگ جمهور رئیسی محمد اشرف غنی، قندهار ولایتی‌نینگ بیر قنچه قوم بویوکلری، نفوذلی شخصیتلری و اولوغلری بیلن ارگ‌ده اوچره‌شدی.

دستلب، محمود کرزی، شرین آقا قریشی و قندهار ولایتی‌نینگ ولایت کېنگشی باشلیغی سیدجان خاکریزوال‌لر باشقه قشتنه‌شووچیلر نماینده‌لیگیده گپیریب، بویوک قندهارده تازه ایچیملیک سوو معماسی و باشقه بیر قنچه پروژه‌لر تطبیق اېتیلیشی اوچون جمهور رئیس‌گه منتدارچیلیک بیلدیردیلر.

یوقاریده اَیتیلگن کیشیلر  گپلری جریانیده، اۉقووچیلر اوچون دېیرلی کتاب بۉلمه‌گنی قۉشیمچه معارف بۉلیمده‌گی ایریم قیینچیلیکلر، عینو مینه شهرچه‌سیده‌گی ییشش اوی – جای قباله‌سی، تاجرلر معماسی همده  هرات شهریده‌گی کانتینرلر مساله‌سی حل بۉلیشی تۉغرسیده‌گی ایستکلرینی جمهور رئیس بیلن اۉرته‌گه قۉیدیلر.

جمهور رئیس محمد اشرف غنی، قندهارلیک بویوکلرنی خوش کېلیب‌سیز دېب، قندهار ولایتیده بعضی بیر ترقیات لایحه‌لر  عملگه آشیریله یاتگنی و حکومت عینو منه شهرچه‌سی نینگ قباله تۉغرسیده‌گی معماسینی قانون یاروغلیگیده حل بۉلیشی اوچون تدبیر آلگن دېدی.

اونینگ سۉزلریگه کۉره، هرات ولایتیده توخته‌تیلگن کانتینرلرنینگ معماسی یېچیلیشی خصوصیده مالیه و ترانسپورت وزیرلیگی اۉز ایستکلرینی جمهورلیک ریاستی بیلن اۉرته‌گه قۉییشی لازم.

جمهور رئیس نینک کۉپه‌یتریشیچه، بویوک قندهار قۉشیمچه بوتون مملکت‌نینگ معارف بۉلیمده‌گی قیینچیلیگی حلی اوچون اساسی اعتبار  قره تیله‌دی. اونینگ بیلدیریشیچه، سرمایه یاتقیزیش نتیجه‌سیده سپین بولدک قوریقلیکده جایلشگن بیر بندر عین حالده رواجلنگن بیر ساحه‌گه اۉزگره‌دی.

مملکت جمهور رئیسی، مهم بیر بیرینچی اۉرینلی مساله اوله‌راق سوو باشقریلیشی اوستیده کۉپراق سرمایه یاتقیزیله‌دی. کجکی سوو تووغانی نینگ ایشی یکونله‌نیشی بیلن  بیر میلیار متر مکعب سوو ذخیره اېتیله‌دی و بونینگ یانیده تخنیکی تېکشیروولردن سۉنگ موسی قلعه اولسواللیگیده هم بیر توغان قوریلیشینی بیلدیردی.#