افغان باختر هوا یۉللر شرکتی نینگ فعالیتی ینگیدن باشله‌نیشی قۉشیمچه ۲۸ ته تدارکاتی مورد قبول قیلیندی

افغان باختر هوا یۉللر شرکتی نینگ فعالیتی ینگیدن باشله‌نیشی قۉشیمچه ۲۸ ته تدارکاتی مورد قبول قیلیندی

اۉتگن کون کېچقورون افغانستان اسلامی جمهوریتی‌نینگ جمهور رئیسی محمد اشرف غنی باشچیلیگیده، ملی تدارکات کمیسیونی‌نینگ نوبتده‌گی ییغینی بۉلیب اۉتدی.

ملی تدارکات کمیسیونی‌نینگ بو ییغینیده ۲۹ته تدارکاتی مورد اوستیده گپیریلدی. بونینگ نتیجه‌سیده دآریانا افغان هوا یۉللر شرکتیگه قره‌شلی افغان باختر هوا یۉلر شرکتی ینگیدن فعالیتگه باشله‌شی اوچون سرمایه یاتقیزیش لایحه‌سی شامل تۉرت یریم میلیار افغانی بهاسی بۉلگن ۲۸ ته تدارکاتی مورد مذکور کمیسیون تامانیدن تصدیقلندی.

عین حالده، ملی تدارکات کمیسیونی بیر قنچه پروژه‌لرگه اۉزگریش کېلتیریش ایستگینی هم تصدیقله‌دی.

باشقه تاماندن جمهورلیک ریاستی ترقیات و حمایوی عملیات اداره‌سیگه قره‌شلی پکتیا ولایتی مقامی‌نینگ قوریله‌جک ایکّی قوتلی بناسی‌نینگ برق، سوو تیزیمی و کانالیزیوسیون پروژه‌سی نینگ زمانی چۉزیلیش ایستگی بیلدیریلدی و جمهور رئیس غنی، برچه پروژه‌لر بېلگیلنگن زمانده یکونله‌نیشی همده پروژه یۉسونیده بۉلگن تۉسیقلر کۉتریلیشینی بیلدیردی.

باشقه تاماندن کون ترتیبگه موافق، اوشبو ییغینده کمیسیون اعضالری آلدینگی ییغلیشلرده آلینگن قرارنینگ اوستیده هم بحث قیلدیلر.

ییغین‌نینگ سۉنگگیده، سپورت و بدن تربیه‌سی عمومی ریاستیگه قره‌شلی لوگر ولایتیده ۵۰۰ کیشیلیک جمنازیوم قورلیش ایشی‌نینگ سۉنگگی قسطی تۉلنمه‌گنی حقیده‌گی گزارش اوستیده هر تامانله بحث آلیب باریلگندن کېیین قبول قیلیندی.#