دنیا بانکی افغانستان حکومتی نینگ اقتصادی و رواجلنتیریش ریجه‌سینی قوللب – قووتله‌یدی

دنیا بانکی افغانستان حکومتی نینگ اقتصادی و رواجلنتیریش ریجه‌سینی قوللب – قووتله‌یدی

بوگون کیچقورون افغانستان اسلامی جمهوریتی‌نینگ جمهور رئیسی محمد اشرف غنی، دنیا بانکی‌نینگ جنوبی آسیا ایشلری بوییچه اورین باسری هارتویگ شیفر و اونینگ یولداشی بیلن اوچره‌شیب، مذکور بانک نینگ یاردمی و افغانستاننی قوللب – قووتله‌شی توغریسیده فکر المشتیردی.
دنیا بانکی‌نینگ افغانستانده‌گی باشلیغی قتشنوویده ارگ‌ده بولیب اوتگن بو اوچره‌شووده، جمهور رئیس غنی، افغانستان حکومتی‌نینگ ملی ریجه‌لری اینیقسه معارف، کانچیلیک، باجخانه‌لر، درآمد آشیشی و افغانستان‌نینگ استراتیژیک اقتصادی دستوری کبی ریج‌لرنی شرحله‌دی.
افغانستان حکومتی‌نینگ اصلاحات دستوری خصوصیده گپیرگن جمهور رئیس غنی، اصلاحات‌نینگ اصلی منطقی یخشی خذمت کورسه‌تیش، ثمره‌لی ایش قیلیش و حکومت اداره‌لری قابلیتینی کوتریش دیدی.جمهور رئیس غنی‌نینگ کوپه‌یتریشیچه، اصلاحات کیلتیریش اوچون جدی تعهدیمیز بار و بیزلرنینگ اصلاحاتدن اساسی آماجیمیز ایسه ثمره‌لی، تینگ و تکنالوژیگه یونلتیریلگن خذمت کورسه‌تیش.
انرژی بولیمیده سرمایه یاتقیزیلیشی اوستیده اورغوله‌گن غنی جنابلری، سوو توغانلرینی قوریب اونی باشقریش، قشاقلیککه قرشی کوره‌ش، ایکینچیک محصولاتنی کوپه‌یتیریش وزراعتی زنجره‌یی محصولات بهاسیگه اعتبار بیریش بولگنینی اَیتدی.
بیرینچی مرته صادراتیمیز بیر میلیارد دالرگه تینگ بولگن دییه تیلگه آلگن جمهور رئیس، افغانستان حکومتی اوچون منطقه‌وی باغله‌نیش و منطقه‌وی اقتصاد بولیمیده سعی و حرکتلر آلیب باریش مهملیگینی ایتدی.
اوچره‌شووده، دنیا بانکی نینگ جنوبی آسیا ایشلری بوییچه اورین باسری، ینه بیر یوله افغانستان حکومتی‌نینگ اقتصادی و رواجلنتیریش ریجه‌سینی قوللب – قووتلشدن ایشانچ بیردی.#