جمهور رئیس غنی، اوکراین نینگ ایران‌ده قوله‌گن طیار‌ه‌سیده شهید بۉلگنلر عایله‌سیگه قیغوداشلیک بیلدیردی

جمهور رئیس غنی، اوکراین نینگ ایران‌ده قوله‌گن طیار‌ه‌سیده شهید بۉلگنلر عایله‌سیگه قیغوداشلیک بیلدیردی

بوگون کېچقورون افغانستان اسلامی جمهوریتی‌نینگ جمهور رئیسی محمد اشرف غنی، اوکراین‌نینگ ایران‌ده قوله‌گن طیاره‌سیده شهید بۉلگن افغانلر عایله‌سی بیلن تیلفون آرقه‌لی گپیریب، حادثه مناسبتی اوچون غمشریکلیک قیلدی.

اوشبو تیلفونی گپیریشده، بیرینچیدن افغاسنتان‌نینگ ایران‌ده‌گی ایلچیسی عبدالغفور لیوال، مذکور حادثه‌ده قربان بۉلگن افغانستانلیکلر تانیلیشی خصوصیده آلیب باریلگن سعی و حرکت باره‌سیده بېلگی بېردی.

 اونگه کۉره، شهیدلر خانه‌دانیگه یېتیش نیتده بیر کمیته توزیلگن، افغانستانلیک شهیدلر بېلگیلندی و بولرنینگ بیر قنچه‌سی توپراققه تاپشیریلگن.

افغانستان‌نینگ ایران‌ده‌گی اېلچیسی‌نینگ کۉپه‌یتیریشیچه، جمهور رئیس‌نینگ قیغوداشلیک پیامی همده شهیدلر عایله‌سیگه یاردم بېریش حقیده‌گی بویروق بجریلگن.

سۉنگره جمهور رئیس محمد اشرف غنی گپیریب، مذکور واقعه‌ده شهید بۉلگن افغانلر عایله‌سیگه ینه بیر بار اۉز قیغوداشلیگینی بیلدیریب، هر بیر عایله شهیدلری‌ جسدینی کابل‌گه آلیب کېلیشنی ایسته‌گن حالده، حکومت بو خصوصده هر قنده‌ی بیر یاردم کۉرسته‌تیشگه تیار دېدی.

جمهور رئیس‌گه کۉره، مذکور حادثه‌ده کۉپینچه قربانلیک کۉرگن دولتلر تامانیدن توزیلگن ایش گروپیده قتنه‌شیش اوچون بریتانیا بارگن مملکت تشقی ایشلر وزیرلیگی سرپرستی ادریس زمان، اوشبو حادثه‌نینگ قربانلری حقوقینی خلق ارا قانونلرگه موفاق بېلگیلش اولگوره‌دی.

اونینگ سۉزلریگه کۉره، بوگون هر بیر افغانستانلیک سیزلرنینگ غم و قیغونگیزگه اۉزینی شریک بیله‌دی و سیزلرنینگ دردینگیز برچه‌نینگ قۉشمه دردی دیر. جمهور رئیس غنی، کمینه جمهور رئیس صفتیده خلق‌نینگ بیرینچی خذمتچیسی من سیزلرنینگ ایستکلرینگیز عملگه آشیریلیشی اوچون هر قنده‌ی بیر همکارلیککه تیارمن دېگن.

بو تیلفونی علاقه‌نینگ سۉنگگیده، شهیدلر خانه‌دانی نماینده‌لیگیده محمد مهدی گپیریب، جمهور رئیس غنی و افغانستان نینگ ایران‌ده‌گی ایلچسی قیغوداشلیگیدن تشکرلیک قیلدی.#