زابل ولایتیده برشنا شرکتی‌نینگ خادملری شهید ایتیلیشی‌گه تېگیشلی مطبوعات اعلامیه

ارگ، کابل: بوگون قلات – قندهار آره‌لیغیده جایلشگن شهر صفا اولسواللیگی نینگ پل سوخته منطقه‌سیده افغانستان دشمنلری تامانیدن یول چیتیگه اۉرنه‌تیلگن ماین پارتله‌شی نتیجه‌سیده برشنا شرکتی‌نینگ قراردادی خادملریدن بیش کیشی شهید بۉلگنلر.

بو خنک حادثه مناسبتی بیلن اوز قیغوداشلیگینی بیلدیرگن افغانستان اسلامی جمهوریتی‌نینگ جمهور رئیسی محمد اشرف غنی، تینچ اهالی، عامه اېل فایده‌لنه دیگن موسسه‌لر و نا حربی خادملرنی نشانگه آلیب اۉلدیریش بشری جنایت سنه‌له‌دی دېدی.

بو ترورچیلیک واقعه‌ده قربان بۉلگنلر عایله اعضالریگه اۉز چقور قیغوداشلیگینی بیلدیرگن مملکت جمهور رئیسی محمد اشرف غنی، حادثه‌ده شهید بۉلگنلرگه الله تعالیدن بهشت بَرین سۉره‌ش بیلن شهیدلر خانه‌دانیگه صبر و برداش طلب قیلدی.