جمهور رئیس غنی: اداره‌لریمیز فایده‌لی، ثمره‌لی و خلق نینگ ایشانچیگه سبب بولیشی کیره‌ک

جمهور رئیس غنی: اداره‌لریمیز فایده‌لی، ثمره‌لی و خلق نینگ ایشانچیگه سبب بولیشی کیره‌ک

بوگون کیچ افغانستان اسلامی جمهوریتی نینگ جمهور رئیسی محمد اشرف غنی، کابل شهری‌نینگ یشاووچیلری بیلن بولگن ملی گفتمان دستوری دوامیده، بیرینچی، ایکینچی، سکیزینچی، توقیزینچی و اون آلتینچی ناحیه‌نینگ یشاووچیلری بیلن کوریشدی

ارگ‌نینگ سلام‌خانه قصریده اوتکزیلگن بو ییغینده، دستلب بیرینچی ناحیه نماینده‌لیگی سید حسن پرویزی، ایکّینچی ناحیه نماینده‌لیگیده مولوی خال محمد نیکزاد و بیرینچی، ایکّینچی، سکّیزینچی، توقیزینچی و اون آلتینچی ناحیه‌نینگ خاتین – قیزلری نماینده‌لیگیده شبنم محمودی، سکیزینچی ناحیه نماینده‌لیگیده الحاج سید الرحمن، توقیزینچی ناحیه نماینده‌لیگیده احسان‌الله هوتک و  اون آلتینچی ناحیه نماینده‌لیگیده محمد عیسی شفاهی‌لر گپیریب تورلی موردلرنی اوز ایچیگه آلگن ایستکلرینی جمهور رئیس بیلن اورته‌گه قویدیلر.

گپیرگنلر مذکور ناحیه‌لرده امنیت، صحی، یاشلرنی ایش جایی بیلن تامینلش، یوللر اسفاتله‌نیشی، برق‌تینگ روشده ترقه‌تیلیشی، شهری ترانسپورت و تازه ایچیملیک سوو قیینچلیگی حل ایتیلیشی، مخدر ماده‌گه بیریلگن و آوباش کیشیلر تامانیدن مکتب قیزلری‌نینگ آزار اذیت ایتیش‌نینگ آلدی آلینیشی، ییر زوردن تارتیب آلینیش معماسی، مکتب بناسی کملیگی برطرف قیلینیشی، شهری ترانسپورتگه اعتبار بیریش، تفریحی پارکلر ایجاد بولیشی کبی موردلرگه دولت‌نینگ جدی اعتبار قره‌تیشینی سوره‌دیلر.

ناحیه‌لرنینگ مذکور نماینده‌لری، پولیس‌نینگ مسلکی یانده‌شمسلیگیدن شکایت قیلیب، پولیس‌نینگ بی‌فرق یانده‌شیشی جنایی جرم نینگ میزانی آرتیشیگه سبب بوله‌دی دیدیلر. مخدر ماده آسانلیک بیلن تاپیله‌دی و اوغیرلیک حاللری کوپه‌یگن دیدی بو نماینده‌لر.

بولرنینگ قیینچلیگی و ایستکلرینی بیرینی کیتین تینگله‌گن جمهور رئیس غنی‌گه کوره، جمهوریت تیزیمیده جمهور رئیس ملت‌نینگ خادمی دیر و سیزلرنینگ هر بیرینگیز حرمتگه سزاوار سیزلر دیدی.

ناحیه‌لرنینگ نماینده‌لری بار قیینچلیک همده ایستکلرینی سانسور ایتمسدن اوزی بیلن اورته‌گه قویگنلری اوچون بولرگه تشکرلیک بیلدیریب، نیچه هفته ایچیگیده کابل نینگ تورت مینگ یشاووچیسی قتنشه دیگن ییریک ییغین اوتکزه‌میز، بو ییغینده سیزلرنینگ ایستکلرینگیز عملگه آشیریلیشی و قیینچلیکلر حلی اوچون ریجه‌میزنی برچه‌گه شریک قیله‌میز دیدی.

جمهور ریئس‌نینگ اورغولب ایتیشیچه، کابل خوفسیزلیک ریجه‌سی قول آستیده، خوفسیزلیک موردلر حوزه‌مه – حوزه ناحیه‌مه – نایحه بوتونله‌ی اعبارگه آلینه‌دی.

بو اوچره‌شووده اشتراک قیلگن کابل امنیه قوماندانیگه خطاب قیلگن جمهور رئیس غنی، بوندن کیین مکتب و عامه مکانلرده خاتین – قیزلرنی ازار اذیت ایتیش قبول قیلینمه‌یدی بو توغریده جدی تدبیر آلینیشی لازملیگینی بیلدیردی.

شونینگدیک جمهور رئیس غنی، کابل بلدیه‌سی و والیسی‌گه خلق نینگ ییرینی زوردن تارتیب آلگنلرنینگ رویخطی تیز آره ده نشر قیلینیشی و بو قرارگه توسیق بوله ‌دیگن هر بیر کیشی مملکتدن چیقیشی منع ایتیلیب قانونگه تاپشیریلشی حقیده بویروق بیردی.

عین حالده، جمهور رئیس غنی، برق کمبودلیگی قیینچلیگی اوستیده گپیریب، د افغانستان برشنا شرکتی‌نینگ باشلیغیگه، مذکور قیینچلیک حل بولیشی اوچون کابل برق ترماغی اصلاح بولیشی اوچون معین ریجه‌نی تقدیم قیلیشنی طلب قیلدی

جمهور رئیس غنی، کابل شهری‌نینگ تورلی ناحیه‌لریده مکتب کمبودلیگی مشکل قیینچیلیگی باره‌سیده تاکیدلب، اساسی قانون عیاللرنینگ حقینی ضمانت قیلگن و مین ایسه خاتین – قیزلر حقوقینی قتیق قوللب – قووتله یاتگنلردن من دیدی.

مملکت جمهور رئیسی محمد اشرف غنی، جمهورلیک ریاستی نینگ مصلحتچیلریدن، کابللیک خاتین – قیزلر بیلن اوچره‌پشیش اوچون اولکن ییغیننی ریجه لشتیریشلرینی سوره‌دی