جمهور رئیس غنی: تینچلیک نینگ هر بیر قدمی شرط سیز دیر

جمهور رئیس غنی: تینچلیک نینگ هر بیر قدمی شرط سیز دیر

بوگون توشدن آلدین افغانستان اسلام جمهوریتی جمهور رئیسی محمد اشرف غنی، تینچلیک خصوصیده‌گی مصلحتی ییغینلری دوامیده، ولایتی کېنگشلرنینگ اعضالری و رهبرلیک هیاتی بیلن اوچره‌شدی.

چهار چنار قصریده بۉلیب اۉتگن بو اوچره‌شووده، بیرینچیدن محلی ارگانلر مستقل اداره‌سی نینگ باشلیغی عبدالمتین بېگ گپیردی. ولایتی کېنگشلر و حکومت اۉرته‌سیده‌گی هماهنگلیک هر بیر زماندن کۉره حاضر آشگن دېدی او. مذکور کېنگشلر تینچلیک مصلحتی جرگه‌ده چیزیقلر و قاعده‌لرنی انیقلشده مهم رول اۉینه‌گن اېدیلر دېدی بېگ جنابلری.

اولر تیزیمنی مستحکملش‌ده اساسی رول اۉینه‌گنینی بیلدیرگن بېگ جنابلری، تینچلیک خصوصیده بولر بیلن مصلحت بۉلیشینی ایتدی. بو اېسه دولت نینگ ینگی سیاسی مدنیتیدن ایزگو بیر بشارتلیگینی بیلدیردی.

سۉنگ، ولایتی کېنگشلر خاتینلر اعضالری نماینده‌لیگیده مونسه قادری گپیریب، تینچلیک مذاکره‌سیده ییگیرمه ییل ایچیده‌گی یوتوقلر سقله‌نیشی باره‌سیده اورغوله‌دی. اوروش نینگ بیرینچی قربانی عیاللر اېکنینی بیلدیرگن خانم قادری، مذاکره قیلووچی تیم‌گه عیاللر حصّه‌سی اونوتیلمس‌لیگی کېره‌ک دېدی.

کېیین، زابل ولایتی کېنگشی باشلیغی عطا‌جان حق بیان، تینچلیک پروسه‌سی ولایتی کېنگشلرنینگ دایمی حمایتیگه اېگه‌لیگیدن ایشانچ بیلدیریب، بیزلر اولسواللیک و قیشلاقلرنینگ یاشلر، آقسقاللری و خاتین – قیزلری بیلن اۉتکزیلگن مصحلتلریمیزده بولرنینگ برچه‌سی تینچلیک مصلحتی جرگه نینگ خط‌مشی تعقیب بۉلیشی باره‌سیده اورغوله‌گن اېدیلر دېدی.

حق بیان نینگ کۉپه‌یتیریشیچه، تینچلیک بوتون وطنداشلریمیزنینگ ایسته‌گی و بیزلر هر بیر کیشی نینگ ایسته‌گینی سیزلرگه شریک قیله‌میز. معامله و دسیسه‌لرنینگ آلدینی آلیش حکومت نینگ مسئولیتی سنه‌له‌دی دیگن.

سۉنگره، جمهورلیک ریاستی عالی مقامی نینگ تنلنگن بیرینچی اۉرین باسری امرالله صالح گپیریب تیلگه آلینگن مصلحتلرنی مهم اته‌گندن بۉلک، بو تۉغریده اهالی نینگ تورلی قتلمی بیلن مصلحت قیلینه‌دی و تینچلیک خصوصیده یره‌تیلگن فرصتدن دېیرلی فایده‌لنیش ضرورلیگینی بیلدیردی.

جمهورلیک ریاست نینگ تنلنگن بیرینچی اۉرین باسریگه کۉره، دولت تینچلیک لایحه‌سیگه سینلمه‌گن بیر یۉلگه کیرگن، اما یاشیرون ریجه‌سی بیزنینگ جرئتیمیز نتیجه‌سیده تینچلیک بیر شعار دن منتظم برنامه‌گه اۉته‌دی بونینگ هر بیر باسقیچی تطبیق بۉلیشی اوچون دولت تیار.

ولایتی کېنگشلرنینگ اعضالریگه خطاب قیلگن امرالله صالح، کوچلی رویحه بیلن ولایتلرینگیز باریب بوتون همت بیلن اوشبو پیامنی خلقینگیزگه یېتکزینگ دېدی. تینچلیک لایحه‌سی نینگ هر بیر باسقیچی دولت تامانیدن نظارت و باشقریله‌دی.  

تنلنگن جمهور رئیس محمد اشرف غنی اۉزی نینگ گپلریده ولایتی کېنگشلرنینگ رهبرلیگی و اعضالری نینگ بیرلیگینی آلقیشلب، کېلگوسی آیلرده اولسواللیکلر و قیشلاقلر مېنینگ اعتباریم مرکزیده بۉله‌دی دېدی. تینچلیک لایحه‌سی تۉغریسیده‌گی آلغه‌سیلجیشلر ولایتی کېنگشلر بیلن مصحلت آلیب باریشینی ایتدی او.

ولایتی کېنگشلر خاتین نماینده‌لریگه خطاب قیلگن جمهور رئیسی غنی نینگ ایتیشیچه، تینچلیک لایحه‌سیگه خاتین – قیزلرنینگ مشارکتی ضمانت بۉلگن و مذاکره قیلووچی تیم خاتین قیزلر حقیده دفاع قیله‌دی.  تینچلیک نینگ بویوک مقصدی اوچون، کوچلی و عین حالده برچه‌گه منظور بیر کیچیک تیم تعییلنه‌دی.

جمهور رئیس محمد اشرف غنی، تینچلیک مذاکره‌لرده هیچ قنده‌ی قۉریش بۉلمسیگی همده تینچلیک نینگ هر بیر باسقیچیده اۉزی نینگ بیر شرطی بارلیگینی معلوم قیلدی. منه شو شرایطگه قره‌گنده زورانلیک کمه‌یب نهایتده آتیش – کېسین اعلان قیلنه‌دی.

باشقه تامدن مملکت جمهور رئیسی، تینچلیک افغانستان اهالیسی نینگ اساسی ایسته‌گی، اما حکومتچیلیک دوام اېته‌دی و خلق اېسه یقین کېله‌جکلرده کتّه ترقیات پروژه‌لر باشله‌نیشی نینگ گواهی بۉله‌دی.

جمهور رئیس غنی صحبتی نینگ یکونی قسمیده ولایتی کېنگشلر و بولرنینگ اعضالریگه تینچلیک مذاکره‌لرده حکومت مصلحتی لویه جرگه نینگ قرارلرنی تطبیق قیلیش اوچون متعهد اېکنیدن ایشانچ بېردی.

هر بر باسقیچ‌ده خلق بیلن مصلت بۉله‌دی دېیه علیحده اورغله‌دی او. طالبلر بیلن یره‌شیش مملکت‌ده باشقه ینه بیر اوروش نینگ باشله‌ش معناسیده اېمس دېدی غنی جنابلری.#