جمهور رئیس غنی: کېلگوسی ایکّی ییل ایچیده سوو نینگ کتّه قسمی باشقریله‌دی

جمهور رئیس غنی: کېلگوسی ایکّی ییل  ایچیده سوو نینگ کتّه قسمی باشقریله‌دی

بوگون توشدن آلدین افغانستان اسلام جمهوریتی جمهور رئیسی محمد اشرف غنی، منبعلرنی کېنگه‌یتریش و بونینگ باشقریش عنوانی آستیده اۉتکزیلگن ملی کنفرانسده اشتراک قیلیب گپیردی. 

ارگ نینگ چهار چنار قصریده اۉتکزیلگن بو کنفرانسده، بیرینچیدن سوو و برق وزیرلیگی نینگ سرپرستی خان محمد تکل، کنفرانسنی اۉتکزیش مقصدی سوو قسمتیده حکومت نینگ یوتوقلری و بو توغریده‌گی نېچه ییللیک رېچه نینگ شرحله‌دی.

او، سوو ملی استراتیژیسیگه اساسا حکومت زراعت اوچون سوونی انتظاملشتیریش و ایچیملیک سوونی ترقه‌تیش اوچون جدی ایشله‌یدی دېدی. سوو انتظامی قانونیگه کۉره، مملکت بۉیلب سوو منبعلری باشقریله‌دی.

سوو باشقریلیشی و اېکینچیلیکنی رواجلنتیریش نینگ مهم اته‌گن اېکینچیلیک، سوغاریش و چارواچیلیک وزیرلیگی نینگ معینی حشمت‌الله غفوری،  اقلیم اۉزگریشی، یاغینگیرچیلیک کمه‌یشی نتیجه‌سیده حرارت یوقاری کېتیشی اېکینچلیککه زیان یېتکزه‌دی و مذکور عامللرنینگ آلدینی آلیش مقصدده سوو باشقریلیشی کېره‌ک دېدی.

سوو باشقریلیشی حکومت نینگ بیرینچی ریجه‌لریدن اېکنینی بیلدیرگن قیشلاقلرنی رواجلنتریش وزیرلیگی نینگ سرپرستی مجیب الرحمن کریمی، سوو باشقریلیشی حاضرگی کونده اجتماعی بحثگه ایلنگن و قیشلاق نینگ خلقی سوونینگ مادی بهاسینی توشینگنلر.

 اونینگ بیلدیریشیچه، اۉتگن ایکّی ییلده ۸۷۰ته ایچیملیک سوو پروژه‌سی، و ۴۷۶ته پروژه اېسه اېکینچلیک بۉلیمیده تطبیق قیلینگن. شونینگدېک ۸۵۵۹ هکتار یېرده قاوون اېکیلگن و ۷۰۸۰هکتار یېر اېسه  سوو تاشقینی تهدیدلریدن خوفسیز اېتیلدی.

سۉنگ، سوو و برق وزیرلیگی نینگ متخصصی فومن فروغ، سوونی استراتژیک باشقریشنی تشریح قیلیب، تورلی سکتولرگه سوونی اختصاصلشتیریش، سوو منبعی و بونینگ فایده‌له‌نیش باره‌سیده معلومات بېریشدی.

سوو آلتینچی ملی کنفرانسیده اشتراک قیلگنلرگه تاکید قیلگن جمهور رئیس غنی، سوونی باشقریش یۉلیده حکومت نینگ تۉلیق ریجه‌ بار دېدی. کېلگوسی بېش ییلده افغانستان نینگ بوتون سوولری معین تامانگه یونلتیریله‌دی دېگن.

اولکه جمهور رئیسی، کېلگوسی ایکّی ییل ایچیده استنادی دیوارلر و سوو توغانلری  قوریلیشی بیلن مملکت سووی نینگ کتّه قسمی باشقریلیشینی ایتدی. بو مرحله‌ده ییریک سوو تۉغانلرینی دیزان و اورگه‌نیش اوچون هم اساسی ایشلر بجریله‌دی.

سوو موازنتی کېنگه‌یشی اوستیده اشاره قیلگن جمهور رئیس غنی جنابلری، کېلگوسی ییللرده اولوسواللیکلر حکومت نینگ دقت مرکزیده بۉله‌دی دېیه اورغوله‌دی. آدملرنینگ احتیاجی انابتگه آلینگن حالده، تازه ایچیملیک سوو مهیا اېتیلشیگه جدی اعتبار بېریله‌دی.

جمهور رئیس غنی اۉزی نینگ یکونی صحبتیده، مردمی سوو باشقریلیشی (کاریز) سیستمی قیته تیکله‌نیشی باره‌یسیده تاکید قیلیب، مذکور کېنگشلر منتظم حرکتلر ایلنه‌دی دېدی. چېگره دن تشقریگه آقه  دېگن سوولر باشقریلیشیگه اشاره قیلگن غنی جنابلری، خلق ارا قانونگه کۉره، بیزنینگ قۉلیمیز اوستون دېدی.

ییغین سۉنگگیده جمهورلیک ریاستی ایشلری بۉییچه اداره نینگ سرپرتی و ملی تدارکات اداره‌سی نینگ باشلیغی الهام عمر هوتکی تامانیدن اۉقیلگن فرمانده، سوو و برق وزیرلیگی ایکّی ته علیحده مستقل (سوونی تنظیم قیلیش ملی اداره و انرژی خدمات اداره‌سی)‌گه بۉلینیب و خان محمد تکل سوولرنی تنظیم اېتیش اداره‌سی نینگ باشلیغی اوله‌راق تعییلنه‌دی.#