مطبوعاتی اعلامیه

افغانستان اسلام جمهوریتی جمهور رئیسی محمد اشرف غنی، تخنیکی، مملکت بۉیلب سیاسی شخصیتلر، قوم بویوکلری، دولت قوروچی سیلاو تیمی نینگ بلند مرتبه‌لی اعضالری و افغانستان نینگ خلق ارا شریکلری بیلن هر تامانلمه و کېنگ قمراولی مصلحتلردن سۉنگ، 8- حوت‌ده بۉلیب اۉتیشی رېجه‌لنتیریلگن جمهورلیک ریاستی قسم یاد قیلیش مراسمینی 19 حوتگچه کېیین‌گه قالدیریلیشینی اېپ کۉردی.

کرونا ویروسی حقیده میش – میشلر، چېت اېللیک مهمانلر قتنه‌شیشی اوچون دېیرلی وقت بۉلمه‌گنی و اوشبو مراسم طنطنه‌لی بۉلیب اۉتیشی خصوصیده کۉپراق تخنیکی تیارگرلیک کوۉریش اوشبو بویوک و ملی برنامه نینگ آرتگه قالدیریلیشی اوچون اساسی دلیللردن حسابلنه‌لدی.

جمهور رئیس غنی، افغانستان نینگ بویوک خلقیگه صبر – طاعت و مملکت نینگ عالی منعفتلرینی انگلشنی اېشیتگنی اوچون منتدارچیلیک اظهار اېته‌دی.

افغانستان نینگ بوتون خوفسیزلیک و دفاعی کوچلریگه مملکت بۉیلب زوروانکنی کمیه‌یتریش یۉلیده مسلکی اعتبار بېریشدن علاوه خلق نینگ جانی و مالینی خوفسیز اېتیشده بیر لحظه هم بی‌فرق قالمه‌ی اهالی خذمتیده بۉلیشلری طلب قیلنه‌دی. عین حالده، دولت نینگ برچه اداره‌لری کونده‌گیدېک افغانستان اهالیسی‌گه اۉز وقتیده ثمره‌لی همده جدیت و صداقت بیلن خذمت کۉرسه‌تیشگه دوام بېریشلری مملکت نینگ بویوک ملتیگه ایشانچ بېریله‌دی.