لوگر ولایت کېنگشی وکیلی محمد ناصر غیرت نینگ شهادتی تېگیشلی مطبوعاتی اعلامیه

کابل، ارگ: بوگون اېرته‌لب افغانستان اېللری نینگ دشمنی لوگر ولایت کېنگشی نینگ اعضاسی محمد ناصر غیرت و اونینگ تَن ساقچیسی نینگ کابل شهری سکّیزینچی ناحیه‌سیده تررورچیلیک بیر هجوم نتیجه‌سیده شهید اېتیلگنینی اېشیتیب جوده ایچیندیم.

جمهور رئیس غنی اوشبو حادثه‌نی قاره‌لب ایتیشیچه، افغانستان اېللری نینگ دشمنلری بونده‌ی بیر هجوملرنی صادر قیلیش بیلن افغانستان خلقی نینگ تینچلیک، یره‌ش، برقرارلیک و آلغه‌سیلجیش خصوصیده‌گی آرزو امیدلریگه تۉسیق بۉله آلمه‌یلدیر.

وکیل محمد ناصرنی غمخور شخصیت، ملی منفعتلرگه صادق و یورت سېور بیر کیشی اېدی دېگن جمهور رئیس غنی، او ولایت کېنگشی نماینده‌سی اوله‌راق خلقیدن درست نماینده‌لیک قیلگن و اونینگ بجرگن ایش و فعالیتلری تقدیرگه سزوار دیر. جمهور رئیس غنی، تېگیشلی اداره‌لرنینگ مسئوللریگه، حادثه عامللری تانیلیب قۉلگه آلینیشی اوچون جدی تدبیر آلیشلرینی بویروق بېردی.

شهید محمد ناصر غیرت نینگ عایله اعضاسیگه تسلیت بیلدیریب اۉز غمشریکلیگینی بیلدیرگن جمهور رئیس محمد اشرف غنی، شهیدنینگ جایی بهشت بَرین و حادثه‌ده یره‌لنگن کیشی تېزلیکده ساغه‌لیشینی الله تعالیدن سۉره‌دی.