کابل‌ده‌گی گرودواره اوستیگه اویوشتیریلگن ترورچیلیک هجومگه تېگیشلی مطبوعاتی اعلامیه

ارگ، کابل: افغانستان اېللری نینگ دشمنلری اۉزی نینگ جنایتی دوامیده، بوگون اېرته‌لب کابل شهری نینگ بیرینچی حوزه‌سیگه قره‌شلی سیک وطنداشلریمیزگه هجوم قیلیب، بیر نېچه وطنداشیمیزنی اۉلدیریب و بعضیلرنی یره‌لنتیر دیلر.

جمهور رئیس غنی، بشریتگه ضد بو جنایتنی قتّیق قاره‌لب: ” مذهبی مکانلر اوستیگه هجوم قیلیش دوشمن نینگ نهایت خوارلیگینی بیلدیره‌دی دېدی. مذهبی مکانلر هر قنده‌ی هجوم و زورانلیکدن حمایه‌لنگن بۉله‌دی دېدی غنی جنابلری.”

مملکت جمهور رئیسیگه کۉره: بیز نینگ هندو و سیک هم یورتلریمیز تاریخ دوامیده‌ تینچ – تاتوو یشش نینگ یخشی نمونه‌سی بۉلگنلر. بو یورتداشلریمیز، قنچه‌ قیینچیلیک و مشقتلرگه قره‌مه‌ی، مملکتده قالیشگن و جمعیتده فایده‌لی رۉل اۉینشگه اینتیلیشگن. افغانستان حکومتی اوشبو وطنداشلرنی حمایه‌ قیلیش طرفداری و اولر نینگ دیني خدمتلریگه شفقتسیز هجومنی کېچیریلمه‌یدیگن جنایت دېب اته‌یدی.

افغانستان حکومتی نینگ رهبرلیگی و مملکت نینگ خوفسیزلیک و دفاعی کوچلری زوروانلیکنی کمه‌یتیریش هفه‌سیده برچه اصوللرنی نظرده توتیب، اوروشگه پایان بېریب تینچلیکک اېریشیش اوچون سعی وحرکت آلیب باردیلر. افغانستان اېللری نینگ دشمنلری مملکتده تینچلیک و برقرارلیک نینگ آلدینی آلیشگه قادر بۉلمسلریگه ایشانه‌من.

مملکت رهبری، تېگیشلی اداره‌لرنینگ مسووللرینی، واقعه‌ده یره‌لنگنلر دواله‌نیشی اوچون لازم درجه‌ده سعی وحرکت قیلیشگه اونده‌دی. شونینگدېک، حادثه‌ده قربان بۉلگنلر عایله‌سیگه اۉز قیغوداشلیگینی بیلدیریب، یره‌لنگنلر ساغه‌لیشینی الله تعالی درگاهیدن سۉره‌دی.#