جمهور رئیس غنی، کرونا ویروس خطریگه روپه ره بۉلگن ولایتلر والیلری بیلن گپلشدی

جمهور رئیس غنی، کرونا ویروس خطریگه روپه ره بۉلگن ولایتلر والیلری بیلن گپلشدی

بوگون توشدن آلدین افغانستان اسلام جمهوریتی جمهور رئیسی محمد اشرف غنی، کرونا ویروس خطریگه دوچار ایران‌گه قۉشنی هرات، نیمروز، فراه، بادغیس و هلمند ولایتلری والیلری بیلن ویدیو کنفرانس آرقه‌لی گپیردی.

بیرینچیدن، مذکور ولایتلر نینگ والیلری کرونا ویروس ترقه‌لیشی نینگ آلدینی آلیش خصوصیده آلینگن بعضی بیر چاره – تدبیرلر خصوصیده‌گی گزارشنی جمهور رئیس بیلن اۉرته‌گه قۉیدیلر.

هرات، نیمروز، فراه، بادغیس و هلمند ولایتلری والیلری نینگ گزارشلرینی تینگله‌گن جمهور رئیس غنی، مالیه همده جمهورلیک ریاستی ایشلر بۉییچه اداره‌گه قوییده‌گی بویورقلرنی بېردی:

۱  هرات ولایتیگه اختصاصلشتیریلگن ۴۰۰ میلیون افغانیدن تشقری، فراه، غور و بادغیس ولایتلری نینگ هر بیریگه  ۲۰ میلیون افغانی اختصاصلشتیریلیشی و شونینگدېک کرونا ویروس نینگ تهدیگه همده طبیعی حادثه‌لرگه روپه ره بۉلگن نمیزو و هلمند ولایتلری نینگ هر بیریگه هم مرکزدن ۵۰ میلیون افغانی یوباریله دی.

۲هرات ولایتی، مذکور ولایتده آدملرنی کوندوز کونی یوریشی نینگ آلدینی آلیش خصوصیده آلگن تدبیرینی شدتلشتیریشی و مملکت نینگ باشقه ولایتلری هم هرات ولایتی مودلینی تعقیب قیلیشی کېره‌کلیگی. 

شونینگدېک، مملکت جمهور رئیسی، ملی خوفسیزلیک مصلحتچیسی‌گه تورغندی – هرات و اسلام قلعه – هرات عمومی ترانسپورت یۉلی خوفسیزلیگی تامین بۉلیشی اوچون جدی تدبیرآلینیشینی اَیتدی.

جمهور رئیس غنیگه کۉره، برچه ولایتلر نینگ والیسی آزیق – آوقت استراتیژیک ذخره‌سی و نرخ و نوا کنترول بۉلیشی حقیده لازم تدبیر آلیشی یانیده احتیاج بۉلگنده خصوصی سکتوردن همکارلیک آلیش کېره‌ک‌.

شونینگدېک، جمهور رئیس غنی، برچه ولایتلرده (اجره‌تیش مرکزلر) کرونا ویروسگه چلینگنلر اوچون انزوا مرکزی کۉپه‌یتریلیشی باره‌سیده تاکید قیلدی.

جمهور رئیس غنی اۉزی نینگ صحبتی یکونیده، کرونا ویروسگه قرشی کوره‌ش بیرینچی چیزیقده‌گی داکترلر، نرسلر قۉشیچه ساغیلقنی سقلش بۉییچه برچه خادملرگه کابینه تامانیدن تصدیقلنگن طرزالعملگه کۉره فوق العاده امتیاز نظرده توتیلیشینی ایتیب، مذکور طرز العمل بوگون مملکت ولایتلری نینگ والیلرگه یوباریله‌دی دېدی.