جمهور رئیس غنی قوشمه ییغیلیش و بویوک سیاستچلر بیلن افطارلیک ضیافتده قتنشدی

جمهور رئیس غنی قوشمه ییغیلیش و بویوک سیاستچلر بیلن افطارلیک ضیافتده قتنشدی

اوتگن آقشام افغانستان اسلام جمهوریتی جمهور رئیسی محمد اشرف غنی، جمهورلیک سرایی نینگ دلگشا قصریده اویوشتیریلگن ختم قرآن عظیم الشان مراسمیده، بیرقنچه بویوک سیاستچلر بیلن افطارلیک ضیافتده قتنشدی. برچه بویوکلر مبارک رمضان آیی برکتی بیلن اولکه‌ده تینچلیک و برقرارلیک تامینله‌نیشی اوچون دعا قیلدیلر. 
سابق جمهور رئیس جلالتماب حامد کرزی، ملی مصالحه عالی کینگشی نینگ باشلیغی داکتر عبدالله عبدالله، محمد یونس قانونی، استاد محمد کریم خلیلی، داکتر زلمی رسول، حاجی محمد محقق، باتور دوستم، محمد یوسف غضنفر، ملی خوفسیزلیک مصلحتچیسی داکتر حمدالله محب، محمد معصوم استانکزی و رنگین دادفر اسپنتالر اشتراکیده ارگ‌ده اوتکزیلگن مذکور ییغیلیش و افطارلیک ضیافتده، برچه سیاسی و جهادی شخصیتلر مملکت نینگ جاری وضعیتی و ملی سیاسی مساله باره‌سیده بحثلشدیلر. 
جمهور رئیس غنی و ملی مصالحه عالی کینگشی باشلیغی داکتر عبدالله عبدالله، سیاسی کیلیشوو توغریسیده سعی وحرکت آلیب بارگن مملکت نینگ بوتون سیاسی و جهادی شخصیتلریگه ینه بیر بار منتدارچیلیک بیلدیریب، مذکور کیلیشوونی مملکتده تحمیل ایتیلگن اوروش یکونله‌نیبشی تینچلیک و برقرارلیک تامیلنه‌نیشی یانیده ملی بیردملیک و سیاسی بیرلیک یونه‌لیشیده ییریک بیر آدیم دیب بهاله‌دیلر.
مصلحتنی اسلام نینگ مهم بیر اصلی دیگن جمهور رئیس غنی، مذکور اصل‌گه حرمت قیلیش اوچون حکومت هر دایم ملی مساله‌لر خصوصیده مملکت نینگ بویوک سیاستچیلری، ملت نماینده‌لری و برچه قتلم بیلن مصلحت قیلیب کیلگن دیدی.#