اقتصاد عالی کینگشی نینگ ییغیلیشی طلا تعرفه‌سی کمه‌یش ریجه‌سینی تصدیقله‌دی

اقتصاد عالی کینگشی نینگ ییغیلیشی طلا تعرفه‌سی کمه‌یش ریجه‌سینی تصدیقله‌دی

بوگون توشدن سونگ اقتصاد عالی کینگشی نینگ ییغیلیشی افغانستان اسلام جمهوریتی جمهور رئیسی محمد اشرف غنی باشچیلیگیده، ویدیو کنفرانس آرقه‌لی دلگشا قصریده بولیب اوتدی. 
مذکور ییغیلیشده، بیرینچیدن ترانسپورت وزیرلیگی نینگ سرپرستی یما شمس، ساختمانی مواد تیارلش و قوریلیش شرکت ایجاد بولیش (RC-RMPC) کانکریتی کوپریکلر، کوپریکچه‌لر، اریقچه‌لر و استندادی دیوارلرنی اوز ایچیگه قمره‌گن تیمیر یول قوشیمچه لایحه‌نی ییغلیشگه تقدیم قیلدی. 
اوشبو شرکتگه سرمایه یاتقیزیش اوچون قیزیقیووچی کمپنی نینگ تورکیه، سوریه وعراق‌ده قوریلیش بولیملرده ییترلی درجه‌ده تجربه‌سی بارلیگینی کوپه‌یتیردی مملکت ترانسپورت وزیرلیگی نینگ سرپرستی. 
اقتصاد عالی کینگشی بو حقیده هر تامانلمه بحث آلیب بارگندن سونگ، مذکور ریجه‍نی پرنسیبده تصدیقله‍دی. شونینگدیک، جمهور رئیس غنی، ترانسپورت وزیرلیگی نینگ سرپرستیگه منتدارچیلیک بیلدیریشدن علاوه، مالیه و صنعت و تجارت وزیرلیکلری قوشیمچه ملی ترقیات شرکتی، عالی مقام نینگ حقوقی ایشلر بوییچه بویوک مصلحتچیسی، ملی تدارکات اداره‌سی، جمهورلیک ریاستی اداره امورنینگ سرمایه یاتقیزیشنی آسانلشتیریش بولیمیگه وظیفه تاپشیریب، شرکت ایجاد بولیشی و ترانسپورت وزیرلیگی نینگ بو حقده‌گی تکلیفی نینگ مالی، حقوقی و اقتصادی بولیملرینی اورگه‌نیب کیلیشوو تامانلری نینگ مسوولیتینی انیقلشنی بویوردی. او، خصوصی سکتور تیمیر یول اداره‌سیگه سرمایه یاتقیزیش اوچون رغبی بولگن حالده، اوزی نینگ معیین ریجه‌سینی بیلدیریشی کیره‌ک دیدی. 
ییغیلیش دوامیده، کانلر وپطرولیم وزیرلیگی نینگ سرپرستی عنایت الله مومند، (کیچیک مقیاس) کانچیلیک تیکشیریش تکلیف گزارشینی تقدیم ییغینگه تقدیم قیلدی. اقتصاد عالی کینگشی اوشبو گزارش حقیده به تفصیل بحث آلیب بارگندن سونگ، عالی مقام نینگ حقوقی ایشلری بوییچه مصلحتچیسی  کانلر و پطرولیم وزیرلیگی نینگ همکارلیگی بیلن، شفافیت، کیلیشوو جریانیده تیزلشتیریلیشی و تخصصی بولیشی، کانلرنی قازیب چیقاریش، تیکشیریش هیاتده شامل کیشلرنینگ تحصیلات، ایش تجربه‌سینی تیکشیریب، ثمره‌لی تدبیر و لایحه هر قنچه شفاف بولیشی اوچون وظیفه تاپشیردی.
سونگره، جمهور رئیس نینگ اقتصادنی اوستدیریش، تجارت و کمبغللیکنی کمه‌یتیریش ایشلری بوییچه فوق العاده نماینده‌سی محمد یوسف غضنفر، مالیه وزیرلیگی نینگ سرپرستی عبدالهادی ارغندیوال، وزیرلیک نینگ گمرکات و عواید معیینی عیسی قدرت، گمرکلرده اسکودای تیزیمی اساسیده طلا تعرفه‌سی کمیه‌شی، مملکتده طلا تجارتی قانونیلشتیریلیشی، پول یوویش آلدی آلینیشی کبی لایحه‌نی ییغینگه بیلدیریب و بو توغریده بجریلگن ایشلرنی تیلگه آلدیلر. 
اقتصاد عالی کینگشی نینگ ییغیلیشی گمرکلر اسکودادی تیزیمی اساسیده طلا تعرفه‌سی کمه‌یشی خصوصیده‌گی ریجه‌نی اوستیده هر تامانلمه بحث آلیب باریب، مذکور لایحه‌نی تصدیقله‌دی.#