قوراللی کوچلر باش قوماندانلیگی نینگ ییغیلیشده، مملکت نینگ عمومی خوفسیزلیک وضعیتی اوستیده بحث قیلیندی

قوراللی کوچلر باش قوماندانلیگی نینگ ییغیلیشده، مملکت نینگ عمومی خوفسیزلیک وضعیتی اوستیده بحث قیلیندی

بوگون کیچ افغانستان اسلام جمهوریتی جمهور رئیسی محمد اشرف غنی، باشچیلیگیده اوتکزیلگن قوراللی کوچلر باش قوماندانلیگی نینگ ییغیلیشیده مملکت خوفسیزلیک عمومی وضعیتی محاکمه قیلیندی. 
ارگده ویدیو کنفرانس آرقه‌لی بولیب اوتگن اوشبو ییغیلیشده ملی خوفسیزلیک مصلحتچیسی داکتر حمدالله محب، امنیتی اداره‌لرنینگ بلند مرتبه‌لی رسمیلری و دولت نینگ باشقه بیر قنچه یوقاری مرتبه‌لی مسووللری قتنشگن ایدیلر. اولتیریشده مملکت نینگ عمومی خوفسیزلیک وضعیتی تیکشیریلگندن علاوه، خوفسیزلیک و دفاعی کوچلرنینگ فعالیتی و هییت کونلری خلق نینگ امنیتی تامینله‌نیشی اوستیده هر تامانلمه بحث آلیب باریلدی. 
بییرینچیدن ملی مدافعه وزیرلیگی نینگ مرکزی کوچلر قوماندانی سترجنرال بسم الله وزیری، طالبلرنینگ کوپچیلیک هجوم و عملیاتلری آلدی آلینیشی مقصدیده ملی کوچلر تامانیدن اوتکزیلگن عملیات و فعالیتلر خصوصیده‌گی گزارشنی تقدیم قیلدی. 
شونینگدیک، مملکت خوفسیزلیک و دفاعی کوچلری نینگ یولگه قویگن حربی عملیاتلری اوستیده هم گپیریلدی. مرکزی کوچلر قوماندانی، دشمن نینگ هر قنده‌ی تهدیدی و هجومی برابریده افغان ملی کوچلری بوتونله‌ی تیار ایکنینی قوشیمچه قیلدی. 
قندوز ولایتیده جنگریلرنینگ هجومی آرتگه اوریلگنی باره‌سیده جمهور رئیس‌گه گزارش بیرگن وزیری جنابلری، مملکت خوفسیزلیک و دفاعی کوچلری اوشبو ولایتده طالبلرنینگ برچه هجوملری آرتگه اوریلیب اولرگه آغیر تلفات بیردیلر دیدی. 
سونگره، ملی خوفسیزلیک اداره‌سی عمومی باشلیغی دگر جنرال احمد ضیا سراج، دشمن نینگ تورلی ولایتلر جمله‌دن مملکت نینگ شمال شرقیده‌گی هجومی و حرکتی آشگنی باره‌سیده گپیریب، اولرنینگ هر قنده‌ی هجومیگه ثمره‌لی جواب بیریش اوچون ملی کوچلر تیار ایکنینی بیلدیردی. 
شونینگدیک، ایچکی ایشلر زویرلیگی نینگی امنیتی ایشلر بوییچه معینی سترپاسوال عبدالصبور قانع، هرات، غور و بادغیس ولایتلریگه بولگن سفری حقیده گزارش بیریب، اوشبو سفر آقیمیده  خوفسیزلیک و دفاعی کوچلرنینگ وضعیتی قنده‌یلیگی، دشمن تهدیدی میزانی، کمچیلیکلر، آدملر بیلن ایشلش کبی مساله‌لر تیکشیریلدی دیب ایتدی.
مملکت نینگ غرب زونیده اهالینی مدافعه قیلیش اوچون خوفسیزلیک و دفاعی کوچلرنینگ تیارگرلیگی، عملیاتلر اوتکزیش اوچون نظرده توتیلگن ریجه، تهدیدلرنی دفع ایتیش و آدملرنی سقلش یخشیلیک بیلن آلغه آلیب باریله‌دی دیدی جناب قانع. 
جمهور رئیس غنی مذکور گزارش و معلوماتلرنی تینگله‌گندن کیین، بیرینچیدن ییتیب کیلگن رمضان مبارک هییتی مناسبتی بیلن برچه ملی کوچلرنی صمیمی قوتلوغله‌دی. او، مملکتیمیزنینگ خوفسیزلیک و دفاعی کوچلری پلانگزارلیک چهار چوبه‌سیده هماهنگ، انتظام و فعالیتلر بولیشی کیره‌ک‌ دیدی. 
هییت کونلری آدملرنینگ خوفسیزلیگی تامینله‌نیشی امنیتی و دفاعی کوچلرنینگ مهم بورچلریدن حسابلنه‌دی دیگن مملکت رهبری، بو خصوصده جدی اعتبار قره‌تیش ضرور دیگن. 
شونینگدیک جمهور رئیس غنی، اوزی نینگ یکونی صحبتیده، قندوز ولایتیده قوراللی طالبلرنینگ پلانی بیکار ایتیلیشی اوچون مملکت خوفسیزلیک و دفاعی کوچلری نینگ کورستگن قهرمانلیگیدن منتدارچیلیک بیلدیردی.#