جمهور رئیس غنی باشچیلیگیده ملی خوفسیزلیک کېنگشی‌نینگ ییغیلیشی بۉلیب اۉتدی

جمهور رئیس غنی باشچیلیگیده ملی خوفسیزلیک کېنگشی‌نینگ ییغیلیشی بۉلیب اۉتدی

بوگون توشدن آلدین افغانستان اسلامی جمهوریتی جمهور رئیسی محمد اشرف غنی باشچیلیگیده، ملی خوفسیزلیک کېنگشی‌نینگ ییغیلیشی بۉلیب اۉتدی. 

اوشبو ییغیلیشده ملی خوفسیزلیک عمومی ریاستی‌نینگ سرپرستی احمد ضیا سراج، قوراللی کوچلر مرکزی قوماندانی سترجنرال بسم‌الله وزیری و ایچکی ایشلر وزیرلیگی‌نینگ خوفسیزلیک ایشلری بۉییچه معینی ستر پاسوال عبدالصبور قانع‌لر، مملکت‌نینگ عمومی خوفسیزلیک وضعیتی تۉغریسیده بېلیگی بېرگنلیکدن علاوه، یره‎لنگنلرنینگ قنده‎ی دواله‎نیشی همده شهید بۉلگن خوفسزلیک و دفاعی کوچلری عایله‌سیگه اعتبار قره‌تیلیشی تۉغریسیده‌گی معلوماتنی اۉرته‌گه قۉیدیلر.

مملکت جمهور رئیسی همده قوراللی کوچلر اعلی باش قوماندانی مذکور معلوماتلرنی تینگله‌گندن کېیین، تېگیشلی اداره‌لر مسووللریگه، یره‌لنگن حربیلر دواله‌نیشی و شهید بۉلگن خوفسیزلیک و دفاعی کوچلری عایله‌سیگه برچه قولیلیک یره‌تیلیشی اوچون لازم درجه‌ده اعتبار بېریشلرینی بویوردی.

ملی خوفسیزلیک کېنگشی‌نینگ ییغیلیشی، شونینگدېک، خوفسیزلیک و دفاعی کوچلری کانلر اوچون تهدیدلرنی برطرف اېتیش، انیق رېجه و خوفسیزلیک دستورینی توزیش و کانلرنی انیق پالیسی بیلن حمایه قیلیش اوچون خلق و آقسقاللر بیلن یقیندن ایش آلیب باریشینی تاکیدله‌دی.

شونینگدېک، ییغیلیشده اهالی‌نینگ خوفسیزلیگی یخشی تامینله‌نیشی اوچون مملکت‌نینگ خوفسیزلیک و دفاعی اداره‌لریگه لازم بویروقلر هم تاپشیریلدی.#