هلمند ولایتیده دشمن تامانیدن تینچ اهالیگه قرشی ماین پارتله‌تیلگنی‌گه عاید مطبوعاتی اعلامیه

ارگ؛ کابل: اچینرلیسی شونده که هملند ولایت‌ نینگ واشیر اولسواللیگیده دشمن تامانیدن یۉل چېتیگه اۉرنه‌تیلگن ماین پارتله‌شی عاقبتیده خاتینلر و بالهلر قوشیمه بیر قنچه وطنداشلریمیز شهید و یره‌لنگنلر.

 بو ترورچیلیک حادثه‌نی قاره‌لگن جمهور رئیس غنی، تینچ اهالی، عامه تاسیسات، عمومی ترانسپورت یۉللرگه قرشی ماین پارتله‌تیش اسلامی قدریتلرگه ضد و بشری جنایت سنه‌له‌دی دېدی. اونگه کوره، ترورچی گروه‌لر بونده‌ی عمللرنی بجریش بیلن یاروغ کېله‌جک و خلقیمیزنینگ مستحکم ایشانیچینی کوچ‌سیز اېته آلمه‌یدی.

طالبلرنی یۉل چېتیگه ماین اۉرنه‌تیشدن قۉل کۉتریش‌گه اونده‌گن جمهور رئیس غنی، هر بیر ماین پارتله‌شی نتیجه‌سیده خاتینلر و بلاغتگه یېتمه‌گن باله‌لر شهید و یره‌لنه‌دیلر دېب اېتدی.

مذکور حادثه‌ده قربان بۉلگنلر عایله اعضالریگه قیغوداشلیک بیلدیرگن مملکت جمهور رئیسی غنی، شهیدلرگه الله‌دن بهشت بَرین و یره‌لنگنلر تېزلیکده ساغه‌لیشینی طلب قیلدی.#