افغانستان اسلامی جمهوریت دولتی‌نینگ مملکت‌ده‌گی سۉنگگی رواجله‌نیشلریگه تېگیشلی مطبوعاتی اعلامیه‌سی

بوگون کابینه ییغیلیشی‌نینگ باشله‌نیشیده افغانستان اسلامی جمهوریتی جمهور رئیسی محمد اشرف غنی، افغانستان انسان حقوقلری بۉیچیه مستقل کمیسیون خادملری اوستیده اویوشتیریلگن هجومنی قاره‌لب، خوفسیزلیک اداره‌لریگه دینی عالملر خوفسیزلیگی تامینله‌نیشی سینگری انسان حقوقلری کمیسیونی خادملری، مدنی جماعه‌چیلیک فعاللری و عدلی و قضایی اداره‌لر خوفسیزلیگنی تامینله‌ش اوچون مخصوص چاره – تدبیر کۉریشلرینی بویرودی.

جمهور رئیس غنی، سۉنگگی ییگیرمه ییل ایچیده‌گی اېرکینلیک و قدریتلرنی نشانگه آلیش مقصدیده، مملکتده جدی سعی وحرکتلر باشلنگن و بونینگ آلدینی آلیش اوچون حکومت صادق دېب ایتدی جمهور رئیس غنی.

باشقه تاماندن جمهور رئیس غنی، کرونا ویروسگه قرشی کۉره‌شیش مقصدیده اختصاص‌لشتیریلگن پول سوء‌استعمال قیلینگی باره‌سیده‌گی شکایتلر و عیبلاولر، بازرس اداره‌سی تامانیدن ایکّی هفته ایچیده تېکیریلیشب، بو حقده‌گی آدملرگه گزارش بېریلشی باره‌سیده اورغوله‌دی.

مملکت جمهور رئیسی‌نینگ سۉزلریگه کۉره،  غلام خان بندری قۉشیمچه سپین بولدک و تورخم دروازه‌لری افغانستان صادراتی اوچون آچیلگن و مملکت محصولاتی منطقه مارکیتلریگه یېتکزیش کۉپ مهم دیر.

افغانستان محصولاتینی صادر قیلیش بیلن شغللنووچی دولت‌نینگ برچه اداره‌لریگه، بندرلر و گمرکلرده آسانلیک یره‌تیش مقصدیده تاجرلر بیلن ییغیلیش اۉتکزیب، اولرنینگ ایسته‌گی کابینه ییغیلیشلریگه بیلدیریشنی بویوردی مملکت رهبری.

تېگیشلی اداره‌لرده‌گی موجود معمالر اۉرگه‌نیلیشی حقیده بویورق بېرگن جمهور رئیس غنی جنابلری، بندرلر و گمرکلر کۉپراق فعال بۉلیشی و فسادگه قرشی کوره‌شیش اوچون جدی بۉلیش کېره‌ک دېب تیلگه آلدی.

افغان پست اداره‌سی‌نینگ آدملرگه خذمت کۉرسه‌تیشی اوچون دېیرلی قابلیتی بارلیگینی بیدلیرگن  جمهور رئیس غنی، بو اداره حاضرگی کونده پاسپورتلرنی ایچکری و تشقریده افغانلرگه یېتکزه آله‌دیلر دېدی.#